आज तकने दिलेल्या वृत्तानुसार, अटक करण्यात आलेले पाचही आरोपी बांगलादेशमार्गे हिंदुस्थानात आले होते. विमानतळावरील स्कॅनिंग आणि सुरक्षा यंत्रणेला चकवा देण्यासाठी त्यांनी सोन्याची पावडर (पेस्ट) आणि कॅप्सूल तयार केले होते. हे सोन्याचे कॅप्सूल त्यांनी आपल्या शरीराच्या गुप्त भागात लपवून ठेवले होते. मात्र, डीआरआयच्या अधिकाऱ्यांनी तांत्रिक पाळत आणि गुप्त माहितीच्या आधारे या तस्करांना ताब्यात घेतले. त्यांची कसून तपासणी केली असता हा धक्कादायक प्रकार उघडकीस आला.

प्राथमिक तपासानुसार, हे आरोपी एका मोठ्या आंतरराष्ट्रीय तस्करी रॅकेटचा भाग असण्याची शक्यता आहे. हे सोने कोठून आणले आणि ते कोणाला वितरित केले जाणार होते, याचा तपास आता डीआरआय करत आहे.