एका यूटय़ूब चॅनलला दिलेल्या मुलाखतीत तमीम यांनी कबूल केले की, सप्टेंबरमध्ये नियोजित असलेले तीन एकदिवसीय आणि तीन टी-20 सामने ठरल्याप्रमाणे होणार नाहीत. या काळात हिंदुस्थान 13 सप्टेंबरपासून अफगाणिस्तानविरुद्ध तीन सामन्यांची टी-20 मालिका खेळणार आहे. तमीम म्हणाले की, हिंदुस्थानसोबतची मालिका होणार की नाही यावर अद्याप कोणताही निर्णय झालेला नाही. दोन्ही बोर्ड ही मालिका आयोजित करण्याबाबत गंभीर आहेत. बीसीसीआय आणि बीसीबी दोघेही मालिकेच्या वेळेचा विचार करत आहेत.