पश्चिम बंगाल किंवा अन्य राज्यांमध्ये निवडणूक आयोग ज्या पद्धतीने वागत आहे त्याच्यामुळे लोकशाहीवर हल्ला होत असून निवडणूक आयोग लोकशाहीची विटंबना करत आहे, असे शिवसेना (उद्धव बाळासाहेब ठाकरे) नेते, खासदार संजय राऊत म्हणाले.

महिला आरक्षणा संदर्भात संसदेचे विशेष सत्र बोलावण्यात आले आहे. याबाबत बोलताना संजय राऊत म्हणाले की, भाजप, मोदी-शहा हे सगळे काही आपल्या मनाप्रमाणे बदलू इच्छितात. लोकसभेच्या आता 800 हून अधिक जागा असणार आहेत, तर महाराष्ट्रात 400 हून अधिक आमदार असतील. नवीन विधान भवन कधी बनेल आणि तोपर्यंत लोक कुठे बसणार हे खूप मोठे रहस्य आहे. पण आले मोदींच्या मनात…. जेव्हा बोलायचे असते तेव्हा ते गप्प बसतात आणि क्रेडिट शाहबाज शरीफ, मुनीर घेऊन जातात, असा टोलाही संजय राऊत यांनी लगावला.

नरेंद्र मोदी 16, 17, 18 एप्रिलला संसदेत महिला आरक्षण विधेयक आणत आहेत. महिलांना त्यांचे न्याय, हक्क, जबाबदाऱ्या देण्यासंदर्भात भाषणबाजी करताहेत. पण त्यांना हे सांगायला पाहिजे की, अशा प्रकारे महिलांना त्यांचे हक्क देणारा महाराष्ट्र पहिले राज्य आहे. शरद पवार मुख्यमंत्री असताना त्यांना महिला आरक्षणाचे पहिले पाऊल टाकले होते. त्या महाराष्ट्रामध्ये आज भाजपच्या राजवटीमध्ये जागोजागी बुवा, महाराज उदयला येत आहेत आणि हे सगळे भाजपचे प्रचारक आहेत. या सगळ्यांचा भाजपशी आणि भाजप नेत्यांचा या सगळ्यांची संबंध आहे, असे राऊत म्हणाले.

निवडणूक अधिकाऱ्यांची तक्रार करताच ज्ञानेश कुमार म्हणाले, 'गेट लॉस्ट' , तृणमूलच्या शिष्टमंडळाचा गंभीर आरोप