गॅस बिलाचे पैसे बाकी असल्याचे भासवत बनावट लिंक पाठवून ठगाने वृद्ध व्यावसायिकाच्या बँक खात्यावर डल्ला मारला. तक्रारदार हे ज्येष्ठ नागरिक आहेत. गेल्या आठवडय़ात त्याना गॅस कंपनीचा मेसेज आला होता . त्यात त्यांचे बारा रुपयांचे पेमेंट बाकी असल्याचे भासवले . ते बिल भरण्यास सांगून अपडेट करण्यास सांगितले . त्या मेसेजमध्ये एक लिंक होती . ती लिंक ओपन करून त्याने पैसे भरण्याचा प्रयत्न केला . या दरम्यान त्यांचे बँक अॅप्स हॅक झाले . ठगाने तक्रारदार यांच्यासह त्याच्या कुटुंबातील तिघांच्या बँक खात्यातून 19 लाख 74 हजार रुपये काढले . खात्यातून रक्कम गेल्याचे त्यांच्या लक्षात आले . त्यानंतर त्यांनी पूर्व प्रादेशिक सायबर पोलीस ठाण्यात धाव घेतली . पोलिसांनी अज्ञात व्यक्तीविरोधात गुन्हा नोंद केला आहे .