Wednesday, 05 Aug, 3.37 pm सामना

ठळक बातम्या
नको त्या स्थितीत तिचा पती दिसला, गावकऱ्यांनी चोपले आणि त्याचे अर्धे मुंडन केले

बिहारच्या सुपौल जिल्ह्यातील लक्ष्मीनिया पंचायतीमध्ये ग्रामपंचायतीच्या एका महिला सदस्याच्या पतीला अन्य महिलेसोबत आक्षेपार्ह स्थितीत पाहून स्थानिक लोकांनी तिच्या पतीला मारहाण केली. गावातील पुरुषांनी दोघांना दोरीने बांधून जोरदार मारहाण केली. यानंतर त्या पुरुषाचे अर्धे टक्कल करण्यात आले. याप्रकरणी पोलिसांनी दोन जणांना अटक केली आहे.

सुपौल जिल्ह्यातील उंबळपूर ब्लॉक परिसरातील ग्रामपंचायतीच्या लक्ष्मीनिया ग्रामपंचायतीच्या विद्यमान पंचायत समिती सदस्याच्या पतीला ग्रामस्थांनी रात्री उशिरा गावातील एका महिलेच्या घरात आपत्तीजनक स्थितीत पकडले. त्यानंतर स्थानिक लोक आणि पंचायतीसमोर त्यांचे केस अर्धे कापले त्यानंतर दोरीने बांधून जोरदार मारहाण केली.

मारहाण झालेला पुरुष बऱ्याच काळापासून त्याच्या शेजारच्या महिलेच्या घरी जात होता. आजूबाजूच्या लोकांनाही याची माहिती होती. महिलेचा नवरा खेड्यातून बाहेर मजुरी करतो. गेल्या 8 महिन्यांपासून तो घरी आला नाही. मात्र तोच पुरुष सोमवारी रात्रीही त्या महिलेच्या घरी गेला. आजूबाजूला लोक जमले आणि दोघांनाही त्यांनी रंगेहात पकडले.

आधी जमावाने स्थानिक लोकप्रतिनिधी आणि समाजासमोर त्यांना माफीनामा लिहिण्यास सांगितले. त्यानंतर त्याचे केस आणि मिश्या अर्धा कापल्या गेल्या. तसेच, महिलेला इशारा देऊन सोडण्यात आले. पण काही लोकांनी या घटनेचा व्हिडिओ व्हायरल केला. आजतकने हे वृत्त प्रसिद्ध केले आहे.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Saamana
Top