Saturday, 14 Dec, 8.44 pm सामना

ठळक बातम्या
ऑनलाईन ऑर्डर केला iPhone 11 Pro, मिळाला दुसराच.

शॉपिंग म्हटलं की धावपळ आणि दगदग आलीच. यामुळे हल्ली सगळ्यांचाच कल ऑनलाईन शॉपिंगकडे वाढत आहे. पण आरामदायी व वेळ वाचवणाऱ्या या ऑनलाईन शॉपिंगमध्ये फसवणूकही होते असं नुकतंच समोर आलं आहे.

बंगळुरू येथे राहणाऱ्या रजनीकांत कुशवाहा नावाच्या तरुणाने फ्लिपकार्ट या संकेतस्थळावरून iPhone 11 Pro ऑर्डर केला होता. पण प्रत्यक्षात त्याला iPhone ऐवजी iPhone 11 Pro सारखाच दिसणारा, पण अँड्रॉइड ऑपरेटिंग सिस्टमवर काम फोन मिळाला होता. यासाठी रजनीकांत यांनी 93 हजार रुपये खर्च केले होते. मोबाईल व्यवस्थित तपासल्यानंतर त्यांच्या लक्षात आलं की हा iPhone बनावटी आहे.

दरम्यान, रजनीकांत यांनी याबाबत तक्रार केली असता कंपनीने या गैरसोयीबद्दल दिलगिरी व्यक्त केली आहे. कंपनीने त्यांना लवकरच नवीन डिव्हाइस देणार असल्याचे सांगितलं आहे. ऑनलाईन शॉपिंगमध्ये अशा प्रकरच्या फसवणुकीचे प्रकार वाढल्यामुळे अनेक लोक ऑनलाईन शपिंग करायला घाबरतात.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Saamana
Top