विमा कर्मचाऱ्यांच्या प्रलंबित प्रश्नासाठी भारतीय विमा कर्मचारी सेना महासंघाचे अध्यक्ष, शिवसेना नेते-खासदार अनिल देसाई यांनी आज भारतीय आयुर्विमा महामंडळाचे अध्यक्ष आर. दोराईस्वामी यांची भेट घेऊन सविस्तर चर्चा केली. यामध्ये 2012 नंतरही कार्यरत हंगामी कर्मचाऱ्यांना कायमस्वरूपी सेवेत सामावून घेणे, 2002 साली सेवेत सामिल हंगामी कर्मचाऱ्यांना 2012 नंतर कायम झाल्यावर एनपीएस ऐवजी जुनी पेंशन चालू करावी, भविष्यात तृतीय व चतुर्थ श्रेणी कर्मचाऱ्यांना नवीन नोकरभरती त्वरित करावी याशिवाय विमा कर्मचाऱयांच्या अन्य सुविधांसाठी या बैठकीत चर्चा करण्यात आली. भारतीय विमा कर्मचारी सेना महासंघाचे सरचिटणीस दिनेश बोभाटे व एलआयसी युनिटचे सरचिटणीस महेश लाड यावेळी उपस्थित होते.