निदर्शकांनी सांगितले की, त्यांनी यापूर्वीही यावर आक्षेप नोंदवला होता; परंतु कोणतीही कारवाई झाली नाही. (उत्तरप्रदेशात मुख्यमंत्री योगी आदित्यनाथ यांचे सरकार असतांना तक्रार करूनही कारवाई होत नाही, हे आश्चर्यजनकच म्हणावे लागेल ! - संपादक)

विकास प्राधिकरणाकडून या मशिदीवर नोटीस लावून संस्थाचालकांना इमारतीचा संमत नकाशा आणि संबंधित कागदपत्रे सादर करण्यास सांगण्यात आले होते; परंतु मशीद संस्थाचालकांकडून निर्धारित वेळेत कागदपत्रे सादर करण्यात आली नाहीत. त्यानंतर हिंदूंनी जिल्हाधिकारी कार्यालयाबाहेर पोचून निदर्शने केली.

कमलानगरमधील मशिदीची इमारत नियमांविरुद्ध आणि संमतीविना बांधण्यात आल्याचा आरोप निदर्शकांनी केला. प्रशासकीय अधिकार्‍यांनी प्रकरणाच्या चौकशीचे आश्वासन दिले आहे. चौकशीनंतर नियमानुसार कारवाई केली जाईल, असे त्यांनी सांगितले.