टी.टी.सी. एम्.आय.डी.सी. क्षेत्र हे नवी मुंबई महानगरपालिकेच्या अधिपत्याखाली येत नाही. त्यामुळे नवी मुंबई औद्योगिक क्षेत्रासाठी महानगरपालिका कर आकारू शकत नाही. या प्रकरणी वर्ष २०१० मध्ये सर्वाेच्च न्यायालयात याचिका प्रविष्ट केली होती.

या प्रकरणावर सर्वाेच्च न्यायालयाने स्पष्ट केले की, कर आणि शुल्क या गोष्टी वेगवेगळ्या आहेत. त्यामुळे दोन वेळा कर आकारला जात नाही, हेही स्पष्ट झाले आहे. हे संपूर्ण क्षेत्र महानगरपालिकेच्या अधिपत्याखाली येत असल्याचे न्यायालयाने स्पष्ट केले.

नवी मुंबई महानगरपालिकेच्या माध्यमातून कराद्वारे जमा महसुलातून शहर विकासाची कामे केली आहेत. या माध्यमातून महानगरपालिकेस मिळणारा महसूल शहर विकासाला नवी गती देणारा असल्याचे मत महापालिका आयुक्त डॉ. कैलास शिंदे यांनी केले आहे.