या घटनेनंतर तळेगाव दाभाडे पोलिसांनी तातडीने हालचाल करून काही घंट्यांच्या आत आक्रमण करणार्‍या ४ अल्पवयीन मुलांना कह्यात घेतले. कायदेशीर प्रक्रिया पूर्ण करून त्यांना बालसुधारगृहात पाठवण्यात आले.

वरुळे येथे ३० ऑगस्ट या दिवशी एक खुनाची घटना घडली. त्यात काही अल्पवयीन संशयितांना पकडून बालसुधारगृहात पाठवले होते. ते नुकतेच बाहेर आले. एका अल्पवयीन मुलाने 'व्हॉट्सअप स्टेट्स'वर 'किंग इज बॅक' असा संदेश ठेवला होता. हे पाहून काही अल्पवयीन मुले संतापली होती. घायाळ मुलगा एका कपड्याच्या दुकानात काम करतो. २० ऑक्टोबर या दिवशी त्या दुकानाच्या बाहेर दबा धरून बसलेल्या ४ अल्पवयीन मुलांनी दुकानात प्रवेश करून पीडित मुलावर कोयत्याने आक्रमण केले. या आक्रमणात मुलाच्या डोक्याला, पाठीला गंभीर दुखापत झाली. त्यात उजव्या हाताचा अंगठा तुटला. काही ओळखीच्या लोकांनी त्याला वैद्यकीय उपचारासाठी रुग्णालयात नेले.