लसणाचे औषधी गुणधर्म आयुर्वेदिक साहित्य - निघंटूमध्ये दर्शविले आहेत. धन्वंतरी निघंटू, चरक, सुश्रुत इत्यादी ग्रंथांमध्ये लसणाचे औषधी गुणधर्म सांगितले आहेत. लसणामध्ये आंबट चव वगळता गाेड, खारट, कडू आणि तुरट या पाचही चवी असतात.
लसणाच्या तीव्र वासामुळे, वैष्णव धर्मानुसार ते तामसिक अन्न मानले जाते आणि म्हणूनच, विशेषतः धार्मिक लाेक ते खात नाहीत; पण सत्य हे आहे की आयुर्वेदात त्याचा उगम अमृतासारखा मानला जाताे.
म्हणूनच, त्याला 'अमृत रसायन' असेही म्हटले जाते.
जगभरातील शास्त्रज्ञ, डाॅक्टर आणि संशाेधकांनी याला एक उत्तम औषध म्हणून ओळखले आहे. प्रसिद्ध इंग्रजी मासिक 'हियर्स हेल्थ' मध्ये याबद्दल लिहिले आहे की, लसूण अत्यंत शक्तिशाली, जंतुनाशक आहे. लाेक त्याच्या वासामुळे आणि चवीमुळे त्याच्याकडे आकर्षित हाेतात; पण त्याचे वैशिष्ट्य हे आहे की ते शरीरातील आजार दूर करण्यास मदत करते आणि शरीराची दुर्गंधी व अशुद्धता दूर करते. तज्ज्ञांच्या मते, ज्यांना दीर्घ आणि निराेगी आयुष्य जगायचे आहे, त्यांनी जेवणासाेबत नियमितपणे लसणाच्या 2-3 पाकळ्या घ्याव्यात.
घटक : लसणामध्ये प्रथिने, कर्बाेदके, चरबी, खनिजे, बाष्पशील तेल, फाॅस्फरस, लाेह आणि विशेषतः जीवनसत्त्वे ए, बी आणि सी, तसेच ल्युमिनियम, मँगनीज, तांबे, गंधक, चुना आणि क्लाेरीन इत्यादी घटक असतात. त्यात नैसर्गिक खनिजे पुरेशा प्रमाणात आढळतात.
लसणाचे गुणधर्म : हे औषधी गुणधर्मांचे भांडार आहे. याला महाऔषधी असेही म्हटले जाते, यात राेग नष्ट करण्याची अद्भुत शक्ती आहे.