पारंपरिक वेशभूषेत देवीचे दर्शन घेतानाचे तिचे फोटो अनेक चाहत्यांच्या पसंतीस उतरले असले, तरी गाभाऱ्यात फोटो काढण्यावर असलेल्या कथित निर्बंधांच्या पार्श्वभूमीवर अनेक नेटकऱ्यांनी प्रश्न उपस्थित केले आहेत.

सोशल मीडियावर अनेकांनी, "सर्वसामान्य भाविकांना गाभाऱ्यात फोटो काढण्यास मनाई असते, मग सेलिब्रिटींना ही परवानगी कशी मिळाली?" असा सवाल उपस्थित केला आहे. "सामान्यांसाठी एक नियम आणि कलाकारांसाठी दुसरा का?" अशा प्रतिक्रिया मोठ्या प्रमाणात उमटत आहेत.

काही नेटकऱ्यांनी मंदिर प्रशासनाकडून या प्रकरणाबाबत स्पष्ट भूमिका जाहीर करण्याची मागणी केली आहे. देवाच्या दारी सर्व भाविक समान असून मंदिरातील नियम सर्वांसाठी सारखेच लागू व्हावेत, अशी भावना व्यक्त केली जात आहे.

दरम्यान, या प्रकरणावर अद्याप मंदिर प्रशासन किंवा प्राजक्ता माळी यांच्याकडून अधिकृत स्पष्टीकरण आलेले नाही. त्यामुळे या वादावर पुढे काय भूमिका घेतली जाते, याकडे सर्वांचे लक्ष लागले आहे.