यासाठी प्रशासकीय पातळीवर आवश्यक जागेची पाहणी आणि नियोजन सुरू असल्याची माहिती सार्वजनिक बांधकाम मंत्री शिवेंद्रसिंहराजे भोसले यांनी दिली. साताऱ्यातील छत्रपती शाहू स्टेडियम आणि जिल्हा क्रीडा संकुलाच्या पुनर्विकासाबाबत पार पडलेल्या महत्त्वपूर्ण बैठकीत त्यांनी हा निर्णय जाहीर केला.

साताऱ्यातील खेळाडूंमध्ये मोठी क्षमता असून त्यांना योग्य प्रशिक्षण आणि पायाभूत सुविधा मिळणे आवश्यक आहे. या स्टेडियममध्ये आधुनिक खेळपट्टी, फ्लडलाइट्स, प्रेक्षक गॅलरी आणि पॅव्हिलियनसह अत्याधुनिक सोयीसुविधा उपलब्ध करून दिल्या जातील. या प्रकल्पामुळे राष्ट्रीय व आंतरराष्ट्रीय स्तरावरील क्रिकेट सामने साताऱ्यात आयोजित करण्याचा मार्ग मोकळा होणार असून स्थानिक खेळाडूंना मोठा व्यासपीठ मिळणार आहे.

स्टेडियमच्या जागेसाठी महसूल आणि क्रीडा विभागाच्या अधिकाऱ्यांना तातडीने सर्वेक्षण करून सविस्तर प्रस्ताव तयार करण्याचे निर्देश देण्यात आले आहेत. तसेच शहरातील विद्यमान क्रीडा संकुलांचे नूतनीकरण करून ते क्रीडापटूंसाठी अधिक सोयीस्कर बनवण्यावर भर दिला जाईल. या प्रकल्पामुळे साताऱ्याच्या क्रीडा क्षेत्रात नवा अध्याय सुरू होईल आणि पर्यटन व स्थानिक अर्थव्यवस्थेलाही गती मिळेल, असा विश्वास व्यक्त करण्यात आला आहे.