मात्र, सुदैवाने या दुर्घटनेत कोणतीही जीवितहानी झाली नाही.

मिळालेल्या माहितीनुसार, संबंधित जुन्या इमारतीत सध्या कोणतेही प्रशासकीय किंवा कार्यालयीन कामकाज सुरू नव्हते. नगरपालिकेकडील साफसफाईसाठी लागणारे साहित्य आणि इतर साहित्य या ठिकाणी ठेवण्यात आले होते. त्यामुळे दुर्घटनेच्या वेळी इमारतीत कर्मचारी किंवा नागरिक नसल्याने मोठी दुर्घटना टळली.

घटनेची माहिती मिळताच नगरपालिकेचे अधिकारी आणि स्थानिक प्रशासन घटनास्थळी दाखल झाले. खबरदारीचा उपाय म्हणून परिसराची तातडीने पाहणी करण्यात आली असून, नागरिकांना त्या भागापासून दूर ठेवण्यात आले आहे. उर्वरित इमारतीच्या सुरक्षिततेचाही आढावा घेतला जात असून, आवश्यक ती उपाययोजना करण्यात येत आहे.

सततच्या पावसामुळे जुन्या इमारतींच्या सुरक्षिततेचा प्रश्न पुन्हा ऐरणीवर आला असून, धोकादायक इमारतींची तपासणी करून योग्य ती कारवाई करण्याची मागणी नागरिकांकडून होत आहे.