या पक्षप्रवेशामुळे स्थानिक राजकारण तापलं असून अनेक चर्चांना उधाण आले आहे. नगराध्यक्ष राजेंद्र ठोंबरे हे फुलंब्रीतील एक प्रमुख राजकीय चेहरा म्हणून त्यांची ओळख आहे. त्यांच्या नेतृत्वाखालील सर्व नगरसेवकांनी पक्षांतर केल्याने उद्धव ठाकरेंच्या शिवसेनेला या भागात मोठा फटका बसण्याची शक्यता आहे. हा पक्षप्रवेश राजकीय समीकरणात बदल घडवणारा मानला जात आहे.

हा सर्व पक्षप्रवेश सार्वजनिकरित्या करण्यात आला असून या पक्षप्रवेशामुळे फुलंब्रीमध्ये शिंदे गटाची ताकद वाढल्याचे चित्र दिसत आहे. आगामी स्थानिक स्वराज्य संस्थांच्या निवडणुका लक्षात घेता, या पक्षबदलाचे मोठे परिणाम दिसून येऊ शकतात. मराठा आरक्षणासारख्या ज्वलंत प्रश्नांवर सध्या राज्यात राजकीय वातावरण तापले असतानाच हा स्थानिक पातळीवरील पक्षप्रवेश लक्षवेधी ठरला आहे. यामुळे फुलंब्रीतील राजकीय समीकरणे नव्याने मांडली जाणार आहेत.