या जोडप्याने 'जेव्हा प्रेमाची शक्ती दुसऱ्या प्रेमाच्या शक्तीवर मात करते, तेव्हा जगात शांतता नांदते' असे लिहिलेला बॅनरही टॉवरवर फडकवला. काळ्या रंगाच्या या बॅनरवर पांढऱ्या रंगात प्रेमाचा संदेश लिहिण्यात आला होता. बॅनर फडकवल्यानंतर दोघांनीही एकमेकांना लग्नाची मागणी घातली. या घटनेची छायाचित्रे सोशल मीडियावर व्हायरल झाली आहेत.

या घटनेची माहिती मिळाल्यानंतर पोलीस आणि आपत्कालीन सेवांनी जिन्याच्या साहाय्याने त्या जोडप्यापर्यंत पोहोचून त्यांना सुखरूप खाली आणले. अँजेला निकोलाऊ आणि इव्हान कुझनेत्सोव्ह अशी संबंधित जोडप्याचे नाव आहे. त्यांच्यावर सुरक्षा भेदणे, बेकायदेशीर प्रवेश, निष्काळजीपणे जीव धोक्यात घालणे आणि मालमत्तेचे नुकसान यासह अनेक आरोपांखाली गुन्हा दाखल करण्यात आला आहे. ते प्रतिबंधित क्षेत्रात कसे पोहोचले याचा तपास पोलीस करत आहेत. हे जोडपे उंच इमारतींवर धोकादायक स्टंट करण्यासाठी ओळखले जाते. 2024 मध्ये त्यांच्यावर 'स्कायवॉकर्स: अ लव्ह स्टोरी' नावाचा एक माहितीपट बनवण्यात आला होता.