कराडमधील पीएनजी शोरूममध्ये एसी डक्टला आग

कराड : शहरातील शाहू चौकपरिसरातील पुरुषोत्तम नारायण गाडगीळ सराफ शोरूममध्ये बुधवारी दुपारी एसीच्या डक्टला आग लागल्याने शोरूममध्ये धुराचे लोट पसरले आणि ग्राहकांमध्ये घबराट उडाली.

दुपारी अडीचच्या सुमारास स्फोटासारखा आवाज होऊन बाहेरच्या एसी यंत्रणेला आग लागली. मात्र कर्मचाऱ्यांनी तत्परतेने ग्राहकांना सुरक्षित बाहेर काढल्यामुळे मोठा अनर्थ टळला.कराडच्या शाहू चौकालगत आणि शहर पोलीस ठाण्यापासून हाकेच्या अंतरावर पुरूषोत्तम नारायण गाडगीळ हे सोन्या चांदीचे शोरूम आहे.

इथे ग्राहकांची कायमच गर्दी असते. शोरूममध्ये नेहमीप्रमाणे दागिन्यांची खरेदी-विक्री सुरू असताना अचानक एसीच्या डक्टमधून स्फोटासारखा आवाज येताच काही क्षणांतच धूर
कराड: पीएनजी शोरूमच्या एसी डक्टला आग लागल्यानंतर ती आटोक्यात आणताना कराड नगरपरिषद अग्निशमन दलाचे जवान,शोरूममध्ये पसरला.

परिस्थितीची गंभीरता ओळखून कर्मचाऱ्यांनी घाईगडबड न करता ग्राहकांना बाहेर काढले. काही वेळातच परिसरात धावपळ उडाली. घटनेची माहिती मिळताच पालिकेचे अग्निशमन पथक घटनास्थळी दाखल झाले. अग्निशामक दलाच्या जवानांनी तत्काळ आगीवर नियंत्रण मिळवले. सुदैवाने या घटनेत जीवितहानी झाली नाही. मात्र या घटनेची चर्चा शहरात सुरू होती. दरम्यान शोरूमच्या व्यवस्थापनाने नेमके कायझाले आहे याची माहिती घेण्यास सुरूवात करत उन्हाच्या तडाख्यामुळे हे घडले असावे का? असा प्राथमिक अंदाज व्यक्त केला.