शनिवारी इका / पिस्को विमानतळावरून उड्डाण घेतल्यानंतर काही मिनिटांतच विमानाचा नियंत्रण कक्षाशी संपर्क तुटला आणि हे विमान वाळवंटी भागातील कोरड्या शेतात कोसळले. (Peru Tourist Plane Crash)

'एरोडियाना' कंपनीचे सेसना विमान कोसळले

अपघातग्रस्त विमान पेरूतील 'एरोडियाना' या खाजगी विमान कंपनीचे होते. ही कंपनी गेल्या १४ वर्षांपासून 'सेसना ग्रँड कॅराव्हॅन' विमानांचा वापर करून पर्यटकांना हवेतून नाजका लाईन्स दाखवण्याची सफारी आयोजित करते. सोशल मीडियावर समोर आलेल्या व्हिडिओंनुसार, अपघातस्थळी मोठ्या प्रमाणावर धूर निघत होता आणि विमानाचे अवशेष विखुरलेल्या अवस्थेत आढळून आले. अपघाताचे नेमके कारण अद्याप अस्पष्ट असून पेरूच्या नागरी विमान वाहतूक प्राधिकरणाने आणि स्थानिक अधिकाऱ्यांनी या घटनेच्या सखोल चौकशीचे आदेश दिले आहेत. (Peru Tourist Plane Crash)

खराब हवामान अन् कमी दृश्यमानता

अपघाताच्या आधीच्या दिवशी या भागात हवामान अत्यंत खराब होते. ताशी ४० किलोमीटरहून अधिक वेगाने वाहणाऱ्या वाऱ्यांमुळे मोठ्या प्रमाणात धूळ उडून दृश्यमानता अत्यंत कमी झाली होती. खराब हवामानामुळे जवळच्या मारिया रिचे विमानतळावरील हवाई उड्डाणे आधीच रद्द करण्यात आली होती, तर काही विमाने मार्कोना विमानतळाकडे वळवण्यात आली होती. या प्रतिकूल हवामानाचा अपघाताशी संबंध आहे का, याचाही तपास केला जात आहे. (Peru Tourist Plane Crash)