सलग दुसऱ्या दिवशी सोन्याच्या किमतीत घसरण झाली असून, गेल्या सात दिवसांपासून स्थिर असलेल्या चांदीच्या दरातही आज घट नोंदवण्यात आली आहे. गेल्या दोन दिवसांत २४ कॅरेट सोन्याच्या दरात २३० रुपये, तर २२ कॅरेट सोन्यात २१० रुपयांची घट झाली आहे. (Gold Rate Today)

सोन्या-चांदीचे आजचे ताजे दर

२४ कॅरेट सोने: राजधानी दिल्लीत १० ग्रॅम २४ कॅरेट सोन्याच्या दरात १० रुपयांची किरकोळ घसरण झाली आहे. (Gold Rate Today)

२२ कॅरेट सोने: २२ कॅरेट सोन्याच्या दरातही १० ग्रॅममागे १० रुपयांची घट नोंदवली गेली आहे. (Gold Rate Today)

चांदीचे दर: सलग ७ दिवस दर स्थिर राहिल्यानंतर आज १ किलो चांदीचा दर १०० रुपयांनी स्वस्त झाला आहे. दिल्ली, मुंबई, कोलकाता आणि चेन्नई या प्रमुख शहरांमध्ये सध्या १ किलो चांदीचा भाव ₹२,३४,९०० इतका आहे. यापूर्वी २८ जुलै रोजी चांदीमध्ये तब्बल ५,००० रुपयांची मोठी घसरण झाली होती. (Gold Rate Today)

दर घसरण्यामागे काय आहे मुख्य कारण?

अमेरिकन मध्यवर्ती बँकेने महागाईबाबत पुन्हा एकदा चिंता व्यक्त केली आहे. त्यामुळे व्याजदरात तातडीने कपात होण्याची शक्यता मावळल्याने गुंतवणूकदारांनी सावध भूमिका घेतली आहे. या आठवड्यात जाहीर होणारा अमेरिकेचा 'नॉन-फार्म पेरोल' अहवाल, रोजगार क्षेत्रातील आकडेवारी, डॉलर निर्देशांकातील चढ-उतार आणि कच्च्या तेलाच्या किमती यावर जागतिक बाजाराचे लक्ष लागून राहिले आहे. (Gold Rate Today)

ग्राहकांसाठी आणि गुंतवणूकदारांसाठी सल्ला

सराफा तज्ज्ञांच्या मते, अमेरिकेच्या पुढील व्याजदर धोरणाचा अंदाज बांधला जात असल्याने येत्या काही दिवसांत सोन्या-चांदीच्या भावात आणखी चढ-उतार पाहायला मिळू शकतात. त्यामुळे लग्नसराईसाठी दागिने खरेदी करणारे ग्राहक आणि सोन्यात गुंतवणूक करू इच्छिणाऱ्यांनी स्थानिक सराफा बाजारातील जीएसटी आणि स्थानिक शुल्कासह अद्ययावत दर तपासूनच खरेदीचा निर्णय घ्यावा. (Gold Rate Today)