Dailyhunt Logo
  • Light mode
    Follow system
    Dark mode
    • Play Story
    • App Story
इजिप्तची ऐतिहासिक 'अंतिम-१६' मध्ये धडक

इजिप्तची ऐतिहासिक 'अंतिम-१६' मध्ये धडक

डॅलस,

Historic round of 16 डॅलस स्टेडियमवर झालेल्या फिफा २०२६ फुटबॉल विश्वचषकाच्या अंतिम-३२ फेरीच्या सामन्यात १-१ अशी बरोबरी झाल्यानंतर, पेनॉल्टी शूट-आऊटमध्ये इजिप्तने ऑस्ट्रेलियाचा ४-२ असा पराभव करून स्पर्धेच्या ऐतिहासिक उप-उपांत्यपूर्व फेरीत धडक मारली.

इजिप्त संघाने इमाम अशूरच्या गोलमुळे सुरुवातीलाच आघाडी घेतली होती; मात्र उत्तरार्धात मोहम्मद हानीने स्वतःच्याच गोलपोस्टमध्ये (आत्मघाती गोल) हेडरद्वारे चेंडू मारल्याने सामना अतिरिक्त वेळेत गेला. अतिरिक्त वेळेत दोन्ही संघांना निर्णायक गोल करता आला नाही, तरीही इजिप्तने अधिक चांगल्या संधी निर्माण केल्या आणि सामन्याच्या शेवटी ते अधिक प्रभावी ठरले.

इजिप्तकडून महमूद साबेर, रामी राबिया, मोहम्मद सलाह आणि होसाम अब्देल-मजीदने पेनॉल्टीवर गोल केले, तर ऑस्ट्रेलियाकडून जॅक्सन इर्विन आणि अवर माबिलने गोल नोंदविले, मात्र हॅरी साउटर व लुकास हेरिंग्टन गोल करण्यात अपयश आले, त्यामुळे इजिप्तने आपल्या विश्वचषक इतिहासातील एका अविस्मरणीय विजयाची नोंद केली. या विजयाबरोबरच इजिप्तने 'अंतिम-१६' मध्ये स्थान मिळविले आहे,. आता ७ जुलै रोजी अटलांटा स्टेडियमवर त्यांचा उप-उपांत्यपूर्व सामना विश्वविजेत्या अर्जेंटिनाशी होईल.

आफ्रिकन फुटबॉलसाठी ही स्पर्धेतील आणखी एक महत्त्वाची घटना ठरली; कारण 'अंतिम-१६' फेरीमध्ये पोहोचणाऱ्या आफ्रिकन खंडातील संघांमध्ये आता मोरोक्कोसोबत इजिप्तचाही समावेश झाला आहे. पाचव्या मिनिटाला ख्रिस्टियन वोल्पॅटोचा जोरदार फटका क्रॉसबारला लागल्याने ऑस्ट्रेलियाने इजिप्तला धक्का देण्याची चिन्हे निर्माण केली होती. मात्र, इजिप्तने त्वरित प्रत्युत्तर दिले आणि सुरुवातीच्या टप्प्यावर सामन्यावर आपले वर्चस्व निर्माण केले.

१३ व्या मिनिटाला इजिप्तला यश मिळाले; करीम हाफेझने डाव्या बाजूने अचूक 'क्रॉस' दिला आणि अशूरने उंच उडी मारत हेडरद्वारे ऑस्ट्रेलियन गोलरक्षकाला चकवून गोल केला. आक्रमक आणि बचावात्मक अशा दोन्ही आघाड्यांवर प्रभावी कामगिरी केल्यामुळे अशूरला 'सामन्यातील सर्वोत्तम खेळाडू' हा पुरस्कार देण्यात आला. ५५ व्या मिनिटाला ऑस्ट्रेलियाने बरोबरी साधली; एका धोकादायक फ्री-किकचा चेंडू दूर करण्याचा प्रयत्न करताना हानीने चेंडूवर हेडर मारला, पण तो चेंडू गोलरक्षक शोबेरला चकवून स्वतःच्याच जाळीत गेला.

Dailyhunt
Disclaimer: This content has not been generated, created or edited by Dailyhunt. Publisher: Tarun Bharat Nagpur