करीना कपूरने नुकताच आपल्या इन्स्टाग्राम स्टोरीवर मुलगा तैमूरसोबत क्रिकेट खेळतानाचा एक फोटो शेअर केला होता. या फोटोमध्ये ती स्वतः गोलंदाजी करताना तर तैमूर फलंदाजी करताना दिसत होता.

या पोस्टवर गमतीशीर कॅप्शन देत करीनाने लिहिले होते की, "माझ्या टॅलेंटला कमी लेखू नका, मी बुमराहलाही टक्कर देऊ शकते." तिच्या या विनोदी 'चॅलेंज'ने सोशल मीडियावर लगेचच लक्ष वेधून घेतले.

करीनाच्या या पोस्टला Kareena Kapoor जसप्रीत बुमराहनेही तितक्याच हलक्याफुलक्या शैलीत उत्तर दिले. त्याने रिप्लाय देताना लिहिले, "मला अजिबात शंका नाही. तू खूपच प्रतिभावान आहेस," असे म्हणत हसण्याचा इमोजीही जोडला. बुमराहच्या या उत्तरामुळे हा संवाद आणखी चर्चेत आला असून चाहत्यांनी दोघांच्याही विनोदी अंदाजाचे कौतुक केले आहे.दरम्यान, क्रिकेट आणि क्रीडा क्षेत्राशी संबंधित असलेल्या या हलक्याफुलक्या संवादामुळे सोशल मीडियावर अनेक प्रतिक्रिया उमटत आहेत. करीना कपूरच्या कुटुंबातही क्रिकेटचा वारसा असल्याने तैमूरच्या क्रिकेटमधील रसाबद्दलही नेटकरी उत्सुकता व्यक्त करत आहेत. त्याचे आजोबा मन्सूर अली खान पतौडी हे भारतीय क्रिकेट संघाचे माजी कर्णधार होते, यामुळे तैमूरही भविष्यात क्रिकेटमध्ये करिअर करेल का, याबाबत चर्चा रंगत आहे.या संपूर्ण संवादामुळे बॉलिवूड आणि क्रिकेट यांच्यातील सोशल मीडिया मैत्रीचे एक मजेशीर उदाहरण पुन्हा एकदा समोर आले आहे.