सतत येणाऱ्या या चर्चांमुळे त्या थोड्याशा विनोदी पद्धतीने प्रतिक्रिया देताना म्हणाल्या की, माध्यमांनी त्यांना अनेक वेळा आजी बनवले आहे, मात्र खऱ्या अर्थाने तो आनंद मिळण्याची वेळ आली तर तो त्यांच्यासाठी सर्वात मोठा क्षण असेल. पूनम सिन्हा यांनी मुलीच्या जन्माच्या आठवणी सांगताना भावनिक सूर लावत म्हटले की, मुलगी जन्माला येणे हा त्यांच्या आयुष्यातील अत्यंत आनंदाचा क्षण होता. त्यांच्या मते, मुलीशिवाय आयुष्य अपूर्ण वाटते आणि कुटुंबात मुलीचे अस्तित्व खूप महत्त्वाचे असते.

दरम्यान, सोशल माध्यमांवर प्रत्येक वेळी सोनाक्षीचा नवा देखावा समोर आला की, तिच्या गरोदरपणाबाबत अटकळी सुरू होतात. एका कार्यक्रमात पारंपरिक वेशात दिसल्यानंतरही अशाच चर्चा रंगल्या होत्या. What did Sonakshis mother explain त्या वेळी सोनाक्षीने स्वतःच या अफवांना उत्तर देत, केवळ एका खास पद्धतीने उभे राहिल्यामुळे लोकांनी चुकीचे निष्कर्ष काढल्याचे स्पष्ट केले होते. योग्य वेळ आल्यावर आनंदाची बातमी आपणच देऊ, असेही तिने ठामपणे सांगितले होते. सोनाक्षीने झहीर इक्बाल याच्यासोबत २३ जून २०२४ रोजी विशेष विवाह कायद्यांतर्गत लग्न केले. लग्नानंतर त्यांनी मित्रपरिवारासाठी मोठ्या समारंभाचे आयोजन केले होते. हे जोडपे वेळोवेळी आपल्या आनंदी वैवाहिक आयुष्याच्या झलक चाहत्यांसोबत शेअर करत असते.