या घटनेमुळे परिसरात पुन्हा एकदा तणावाचे वातावरण निर्माण झाले आहे.

काही महिन्यांपूर्वीही कांगपोकपी जिल्ह्यातील लोइबोल खुलेन गावावर उग्रवाद्यांनी हल्ला केला होता. या हल्ल्यात तीन जणांचा मृत्यू झाला होता, तर सात घरे जाळून खाक झाली होती. कुकी समुदायाचे प्रतिनिधित्व करणाऱ्या प्रमुख संस्थेने, कुकी इनपायटिंग मणिपूर (KIM)ने, या हल्ल्यामागे NSCN-IM आणि त्याची सहयोगी संघटना ZUF (K)चे मोठ्या प्रमाणात शस्त्रसज्ज सदस्य असल्याचा दावा केला होता.

दरम्यान, मणिपूरमध्ये खंडणी, धमकी आणि अपहरणाच्या घटनांमध्ये कथित सहभाग असल्याच्या आरोपावरून पाच उग्रवाद्यांना अटक करण्यात आली आहे. त्यांच्यासोबत एका अल्पवयीनालाही ताब्यात घेण्यात आले आहे. पोलिसांनी बुधवारी याबाबत माहिती दिली.

पोलिसांच्या माहितीनुसार, प्रतिबंधित युनायटेड पीपल्स पार्टी ऑफ कांगलेइपाक (UPPK) या संघटनेशी संबंधित असलेल्या या उग्रवाद्यांना मंगळवारी बिष्णुपूर, इंफाळ पूर्व आणि इंफाळ पश्चिम जिल्ह्यांतील वेगवेगळ्या ठिकाणांहून अटक करण्यात आली. अटक केलेल्यांमध्ये ५१ वर्षीय पी. कोईरेंग सिंह याचाही समावेश आहे. इंफाळ पश्चिम जिल्ह्यातील कोईरेंगई फॉरेस्ट गेट परिसरातून त्याला ताब्यात घेण्यात आले. सिंह हा राज्याच्या वन विभागात माळी म्हणून कार्यरत असल्याचे अधिकाऱ्यांनी सांगितले.

पोलिसांनी केलेल्या कारवाईत आरोपींकडून UPPKचे एकूण २३ लेटरहेड जप्त करण्यात आले आहेत. चौकशीदरम्यान आरोपींनी अपहरण, खंडणी आणि धमकी देण्याच्या घटनांमध्ये सहभागी असल्याची कबुली दिल्याचे पोलिसांनी सांगितले.दरम्यान, सुरक्षा दलांनी कांगपोकपी जिल्ह्यातील ताफोउ कुकी तसेच लगतच्या सेनापती जिल्ह्यातील ताफोउ लियांगमई परिसरात घेराबंदी आणि शोधमोहीम राबवली. या संयुक्त कारवाईत मोठ्या प्रमाणात शस्त्रसाठा आणि दारूगोळा जप्त करण्यात आला. मणिपूर पोलिस आणि केंद्रीय राखीव पोलीस दलाच्या (CRPF) संयुक्त पथकाने मंगळवारी ही मोहीम राबवली.शोधमोहिमेदरम्यान दोन SBBL बंदुका, १२-बोअरच्या ७८ जिवंत काडतुसे, तसेच AK-47 आणि .22 रायफलच्या काडतुसांचे रिकामे खोके आढळून आले. या कारवाईदरम्यान ताफोउ कुकी परिसरातील दोन आणि ताफोउ लियांगमई परिसरातील एका बंकरचा सुरक्षा दलांनी नाश केला. कांगपोकपीतील ताज्या हल्ल्याच्या पार्श्वभूमीवर सुरक्षा यंत्रणांनी परिसरातील हालचालींवर लक्ष केंद्रित केले आहे.