प्रात:काळी निघालेल्या पदयात्रेत भक्तगणांनी हर्र बोला हर्र… चा जयघोष करीत राज्यातील महिला व मुलींच्या संरक्षणाबरोबरच पावसासाठी साकडे घालण्यात आले. बसवराज सावळगी यांच्या मार्गदर्शनाखाली व ६८ लिंग भक्त मंडळाचे अध्यक्ष शिवानंद सावळगी यांच्या नेतृत्वाखाली निघालेल्या या पदयात्रेत वीरशैव व्हिजनचे संस्थापक सहसचिव संजय साखरे, उत्सव समिती अध्यक्ष विजयकुमार बिराजदार, राजेश नीला, अरुण पाटील, मन्मथ कपाळे, गंगाधर झुरळे, शांतवीर बसवंती, शेखर गुजले, महादेव कलशेट्टी, प्रशांत गंचिनगोटे आदी भक्तगण सहभागी झाले होते.

सकाळी ७ वाजता ग्रामदैवत श्री सिद्धरामेश्वर यांची आरती व पूजन करून पदयात्रेचा शुभारंभ करण्यात आला. पदयात्रेचा समारोप दुपारी ३ वाजता श्री मल्लिकार्जुन मंदिर येथे आरती व पूजन करून करण्यात आला. पदयात्रेच्या मध्यंतरात मीठ गल्ली येथील शिवानुभव मंगल कार्यालय येथे आस्था सामाजिक संस्थेचे अध्यक्ष आनंद तालिकोटी यांच्यातर्फे फराळ व चहापान देण्यात आले. तर समारोपाच्या ठिकाणी वीरशैव व्हिजनतर्फे पदयात्रेकरूंना प्रसादाचे वाटप करण्यात आले.
पदयात्रेच्या यशस्वीतेसाठी महेश माळगे-स्वामी, बसवराज बेऊर, धानेश सावळगी, मल्लिनाथ सोड्डे, महेश गुड्डद, दीपक पटणे, महादेव कलशेट्टी यांनी परिश्रम घेतले.

चौकट
पहिल्यांदाच केली पदयात्रा

माहेश्वरी वाघमारे, राधिका अंगेरी, श्रुती गंगेरी, द्राक्षायणी अतने, हणमंत अतने, मीनाक्षी बशेट्टी, वंदना मस्कले, प्रतिभा चौगुले, रेश्मा पवार, वैष्णवी जावळे या सिद्धेश्वर भक्तांनी केली पहिल्यांदाच 68 लिंग पदयात्रा