Saturday, 14 Dec, 6.40 pm थोडक्यात

मुंबई
मला शून्यात जाऊन पुन्हा काम करायचंय- पंकजा मुंडे

मुंबई | गोपीनाथ गडावर झालेल्या भाषणानंतर भाजप नेत्या पंकजा मुंडे यांनी पहिल्यांदा प्रतिक्रिया दिली आहे. मला शून्यात जाऊन पुन्हा काम करुन स्वत:ला सिद्ध करुन दाखवायचं आहे, असं म्हणत पंकजा मुंडेंनी आपल्या भावना व्यक्त केल्या आहेत.

माझ्यावर अशी टीका केली मला हे सगळं वडिलांंमुळे मिळालं. त्यामुळे मला शून्यात जाऊन काम करायचं आहे. मला आता पाहायचं आहे मी किती स्वर्गीय मुंडे साहेबांमुळे आणि किती स्वत: च्या कामामुळं. मी आधीच स्वत:ला सिद्ध केलंय पण आता पुन्हा सिद्ध कराचंय, असंही पंकजा मुंडे म्हणाल्या आहेत.

मी माझ्या फेसबुक पोस्टवर पोस्ट लिहताना माजी मंत्री असं लिहू नका असं सांगितलं होतं. ट्वीटर हँण्डलवरही कधीच कमळाचं चिन्ह नव्हतं. त्यामुळे आता कमळ काढलं असं म्हणणं चुकीचं आहे, असंही पंकजांनी स्पष्ट केलं.

मी अजिबात तणावाखाली नाही. मी अस्वस्थ आहे. मी पॉवर गेम खेळतेय असं वातावरण तयार झालं. मी दबाव तयार करतेय अशा चर्चा रंगल्या आहेत, असं पंकजांनी स्पष्ट सांगितलं.

विधिमंडळाचं हिवाळी अधिवेशन आजपासून सुरू; शेतकरी,…

सावकरांना मानणारे आज सत्तेसाठी एवढे लाचार कसे झाले?-…

दरम्यान, मी पराभवाविषयी नाराज नाही. माझा झालेला पराभव हा माझा पराभव आहे कोणाचा विजय नाही, असं म्हणत त्यांनी पुन्हा एकदा स्वपक्षाला टोमणा मारला आहे.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Thodkyaat
Top