या विधानानंतर जैन समुदायात तीव्र प्रतिक्रिया उमटू लागल्या असून अनेक ठिकाणी नाराजी व्यक्त केली जात आहे.

Mangalprabhat Lodha on Jain Minorities status: राज्याचे मंत्री मंगलप्रभात लोढा यांच्या एका वक्तव्यामुळे सध्या जैन समाजात मोठा वाद निर्माण झाला आहे. जैन समाजाने अल्पसंख्याक दर्जा सोडून हिंदू म्हणून मुख्य प्रवाहात यावे, असे आवाहन त्यांनी केले होते. या विधानानंतर जैन समुदायात तीव्र प्रतिक्रिया उमटू लागल्या असून अनेक ठिकाणी नाराजी व्यक्त केली जात आहे. जैन अल्पसंख्याक आर्थिक विकास महामंडळाचे अध्यक्ष ललित गांधी यांनी लोढा यांच्या वक्तव्यावर कठोर टीका केली आहे. त्यांनी स्पष्ट सांगितले की, जैन धर्म हा भारतातील एक स्वतंत्र आणि प्राचीन धर्म आहे. त्याची स्वतःची तत्त्वज्ञान, परंपरा आणि श्रद्धास्थाने आहेत. त्यामुळे जैन धर्माला हिंदू धर्माची शाखा म्हणणे चुकीचे आणि दिशाभूल करणारे आहे.