सोशल मीडियावर लोकप्रिय असलेली 'ऑरेंज ज्यूस गँग' आता पहिल्यांदाच मोठ्या पडद्यावर झळकणार आहे. 'भूतम भयम्' या हॉरर-कॉमेडी चित्रपटातून हे कलाकार प्रेक्षकांच्या भेटीला येणार आहेत.
सोशल मीडियावर लोकप्रिय असलेल्या क्रिएटर्सनी प्रेक्षकांचे मन जिंकले आहे, आणि आता हे स्टार कंटेंट क्रिएटर्स मोठ्या पडद्यावर झळकणार आहेत. 'ऑरेंज ज्यूस गँग' या ग्रुपने रील्स, कॉमिक टाइमिंग आणि मजेशीर कंटेंटमुळे सोशल मीडियावर धुमाकूळ घातला आहे, आणि आता हेच कलाकार 'भूतम भयम्' या मराठी हॉरर-कॉमेडी चित्रपटातून प्रेक्षकांच्या भेटीला येत आहेत. या चित्रपटाची पहिली झलक प्रदर्शित झाली असून, प्रेक्षकांच्या उत्साहात भर पडली आहे.
'भूतम भयम्' ही हॉरर-कॉमेडी चित्रपट असून, यात करण सोनावणे, नील साळेकर, सौरभ घाडगे, सिद्धांत सरफरे, शुभम जाधव, पुष्कराज चिरपुटकर आणि मनमीत पेम यांचा हटके आणि मजेशीर अवतार पाहायला मिळणार आहे. चित्रपटाची कथा, पटकथा, संवाद आणि दिग्दर्शन रामचंद्र अरुण गावकर यांनी सांभाळले असून, निर्मिती नरेन कुमार आणि महेश ज्ञानदेव कोरडे यांनी केली आहे. चित्रपटामध्ये सात बेरोजगार मित्रांच्या दंतकथेवर आधारित साहस प्रेक्षकांसमोर येईल, जे हॉरर आणि कॉमेडीच्या अद्भुत मिश्रणात सादर केलेले आहे. दिग्दर्शक रामचंद्र अरुण गावकर यावेळी म्हणाले की, "हा माझा पहिला चित्रपट असून, प्रेक्षकांना एक विलक्षण थिएट्रिकल अनुभव देण्यासाठी आम्ही २ वर्षे मेहनत घेतली आहे. मराठीत पहिल्यांदाच अशा प्रकारच्या हॉरर-कॉमेडी अनुभवाची संधी प्रेक्षकांना मिळणार आहे." निर्माते नरेन कुमार आणि महेश ज्ञानदेव कोरडे यांनीही चित्रपटाच्या उच्च दर्जावर भर दिला आहे. त्यांनी सांगितले की, दृश्यसंकल्पना, तांत्रिक गुणवत्ता आणि कथानक या सर्व बाबींमध्ये उच्च दर्जा राखण्याचा प्रयत्न केला आहे, ज्यामुळे मराठी सिनेमात हा चित्रपट एक नवीन मानक ठरेल.
झी स्टुडिओजचे व्यवसाय प्रमुख बवेश जानवलेकर यावेळी म्हणाले की, "सोशल मीडियावर लोकप्रिय असलेल्या 'ऑरेंज ज्यूस गँग'ला मोठ्या पडद्यावर पाहणे प्रेक्षकांसाठी एक भन्नाट अनुभव ठरेल. हा चित्रपट युथफुल, एनर्जेटिक आणि मनोरंजक आहे, ज्यामुळे हॉरर-कॉमेडीप्रेमींना खास आकर्षण मिळणार आहे." 'भूतम भयम्' हा चित्रपट २४ जुलै रोजी प्रेक्षकांच्या भेटीला येणार असून, रिलीजपूर्व चर्चेमुळे या चित्रपटाच्या अपेक्षेत मोठी उत्सुकता निर्माण झाली आहे. सोशल मीडियावरच्या लोकप्रियता आणि हटके कथानकामुळे प्रेक्षकांसाठी हा चित्रपट नक्कीच एक थ्रिलिंग आणि मजेदार अनुभव ठरणार आहे.
आर्थिक नियोजनाचे सोपे नियम, भविष्यातील पैशाचे गणित समजून घ्या
आर्थिक नियोजनाचे सोपे नियम, भविष्यातील पैशाचे गणित समजून घ्या
आर्थिक नियोजनाचे सोपे नियम, भविष्यातील पैशाचे गणित समजून घ्या
आर्थिक नियोजनाचे सोपे नियम, भविष्यातील पैशाचे गणित समजून घ्या
आर्थिक नियोजनाचे सोपे नियम, भविष्यातील पैशाचे गणित समजून घ्या
आर्थिक नियोजनाचे सोपे नियम, भविष्यातील पैशाचे गणित समजून घ्या
आर्थिक नियोजनाचे सोपे नियम, भविष्यातील पैशाचे गणित समजून घ्या