सायलेंट ऑथिन्टिकेशन प्रणालीने हे टाळण्याचा प्रयत्न केला आहे.

OTP With Silent Authentication: डिजिटल पेमेंटच्या सुरक्षिततेसाठी आता एक मोठा बदल होणार आहे. आरबीआयने (RBI) आणि काही खासगी बँका, टेलिकॉम कंपन्या ऑनलाईन फसवणूक थांबवण्यासाठी एक नवीन प्रणाली आणली आहे. यामुळे आता व्यवहार करताना ग्राहकांना OTP ची झंझट भोगावी लागणार नाही. या नवीन तंत्रज्ञानाचे नाव सायलेंट ऑथिन्टिकेशन (Silent Authentication) असून, हे जुनी OTP प्रणालीची जागा घेणार आहे.

सध्याच्या पद्धतीमध्ये ग्राहकांना व्यवहार करण्यासाठी मोबाईलवर आलेला OTP टाईप करावा लागतो. अनेकदा हॅकर्स हे OTP चोरून बँकेतील पैसे काढतात, ज्यामुळे ग्राहकांचा विश्वास धोक्यात येतो. सायलेंट ऑथिन्टिकेशन प्रणालीने हे टाळण्याचा प्रयत्न केला आहे. यात ग्राहकाच्या फोन, सिम आणि ई-मेलची रिअल-टाइम पडताळणी केली जाते. जर कुणी सायबर भामट्याने फसवणूक करण्याचा प्रयत्न केला, तर व्यवहार लगेच थांबवला जाईल. त्यामुळे ग्राहकांचा पैसा पूर्णपणे सुरक्षित राहणार आहे.