इंडियन प्रीमियर लीगच्या १९व्या हंगामातील पहिला सामना गतविजेता रॉयल चॅलेंजर्स बंगलोर आणि सनरायझर्स हैदराबाद यांच्यात बंगळूर येथील एम. चिन्नास्वामी स्टेडियमवर खेळला गेला. आरसीबी संघाने सामन्यावर पूर्णपणे वर्चस्व गाजवत, सनरायझर्स हैदराबादविरुद्ध १५.४ षटकांत केवळ ४ गडी गमावून २०२ धावांचे लक्ष्य पूर्ण केले. या सामन्यात आरसीबीचा कर्णधार रजत पाटीदारने नाणेफेक जिंकून प्रथम गोलंदाजी करण्याचा निर्णय घेतला.

MI vs KKR: मुंबई इंडियन्सचा सामना घरच्या मैदानावर केकेआरशी होईल

प्रथम फलंदाजी करताना सनरायझर्स हैदराबादने शानदार कामगिरी केली आणि २० षटकांत ९ गडी गमावून २०१ धावांपर्यंत मजल मारली. सामन्याची सुरुवात हैदराबादसाठी खराब झाली, त्यांनी २९ धावांवर तीन गडी गमावले. कर्णधार इशान किशनने एका टोकाकडून डावाला आकार देत शानदार ८० धावा केल्या. अनिकेत वर्मानेही ४३ धावांचे योगदान दिले आणि हेनरिक क्लासेनने ३१ धावा केल्या. आरसीबीच्या गोलंदाजीत जेकब डफी आणि रोमारियो शेफर्ड यांनी प्रत्येकी ३ बळी घेत महत्त्वाची भूमिका बजावली. भुवनेश्वर कुमार, अभिनंदन सिंग आणि सुयश शर्मा यांनी प्रत्येकी १ बळी घेतला.

द्वारका स्टेडियममधील एका स्टँडला हरमनप्रीत कौरचे नाव देण्यात आले

Edited By - Priya Dixit