आदित्य धर दिग्दर्शित 'धुरंधर २: द रिव्हेंज' हा चित्रपट प्रदर्शित झाल्यापासून बॉक्स ऑफिसवर धुमाकूळ घालत आहे. या चित्रपटाने यापूर्वीच अनेक बॉक्स ऑफिस विक्रम मोडले आहे. आता 'धुरंधर २' ने इतिहास रचला आहे.
'धुरंधर २' ने प्रदर्शनाच्या अवघ्या १८ दिवसांत भारतात १,०१३.७७ कोटींची कमाई करून बॉक्स ऑफिसचे समीकरण बदलले आहे. आतापर्यंत, भारतातील १००० कोटींच्या क्लबवर केवळ दाक्षिणात्य चित्रपटांचे वर्चस्व होते. 'बाहुबली २' आणि 'पुष्पा २' नंतर, 'धुरंधर २' हा १००० कोटींचा टप्पा ओलांडणारा तिसरा भारतीय चित्रपट ठरला आहे.
सहसा, दुसऱ्या आठवड्यानंतर चित्रपटांची गती मंदावते, पण 'धुरंधर २' च्या बाबतीत गोष्ट पूर्णपणे उलट आहे. सॅकनिल्कच्या अहवालानुसार, चित्रपटाने १८ व्या दिवशी (तिसऱ्या रविवारी) ३४.४४ कोटी रुपयांची एकूण कमाई केली आहे. यामुळे चित्रपटाचे एकूण निव्वळ कलेक्शन १०१३.७७ कोटी रुपयांवर पोहोचले आहे.
धुरंधर २' ने १० दिवसांत ११०० कोटी रुपयांचा टप्पा ओलांडला
रणवीर सिंगचा हा चित्रपट जगभरातही धुमाकूळ घालत आहे. चित्रपटाचे जगभरातील एकूण कलेक्शन १,६०५.७४ कोटी रुपयांवर पोहोचले आहे. उत्तर अमेरिकेसारख्या आंतरराष्ट्रीय बाजारपेठांमध्येही या चित्रपटाने २५ दशलक्ष डॉलर्सपेक्षा जास्त कमाई करून एक नवीन विक्रम प्रस्थापित केला आहे.रोहित शेट्टीच्या हाऊस फायरिंग प्रकरणात मोठा खुलासा; बिश्नोई टोळीचा कट उघडकीस
Edited By- Dhanashri Naik