भारतीय रेल्वेने उपचारासाठी इतर शहरांमध्ये प्रवास करणाऱ्या कॅन्सर पीडित रुग्णांना मोठा दिलासा दिला आहे. आता, गंभीर अवस्थेत प्रवास करणाऱ्या कॅन्सर पीडित रुग्णांना आणि त्यांच्यासोबतच्या व्यक्तींना गरज भासल्यास आपत्कालीन कोट्याअंतर्गत निश्चित जागा दिल्या जातील.
सवलतीच्या तिकिटावर प्रवास करणारे कॅन्सर पीडित रुग्ण आणि त्यांच्यासोबत एक व्यक्ती बुकिंगच्या वेळी आपत्कालीन कोट्याचा लाभ घेऊ शकतात. रुग्णाने केंद्र किंवा राज्य सरकार-मान्यताप्राप्त रुग्णालयाच्या प्रभारी अधिकाऱ्याने जारी केलेले वैध सवलत प्रमाणपत्र सादर करणे आवश्यक आहे. तसेच एड्स रुग्णांच्या बाबतीत, हे प्रमाणपत्र अधिकृत अँटी-रेट्रोव्हायरल थेरपी केंद्राने जारी केलेले असणे आवश्यक आहे. जागेची उपलब्धता आणि प्रवासाची वास्तविक गरज तपासल्यानंतरच कोटा मंजूर केला जातो.
रेल्वे कर्मचाऱ्यांसाठी आनंदाची बातमी, आता घराजवळ इच्छित बदली मिळणार; कोणाला फायदा होणार?
ट्रेनमध्ये विविध श्रेणींनुसार कॅन्सर पीडित रुग्णांसाठी एकूण १२ बर्थ वाटप करण्यात आल्या आहे. यापैकी सर्वाधिक चार बर्थ स्लीपर क्लासमध्ये, दोन बर्थ फर्स्ट क्लासमध्ये, दोन बर्थ एसी २-टियरमध्ये, दोन बर्थ एसी ३-टियरमध्ये आणि दोन बर्थ एसी चेअर कारमध्ये आहे. रेल्वेच्या म्हणण्यानुसार, हा आपत्कालीन कोटा सामान्यतः व्हीआयपी, खासदार आणि उच्च शासकीय जबाबदाऱ्या असलेल्या न्यायाधीशांसाठी राखीव असतो. तथापि, आरोग्याला प्राधान्य देऊन रुग्णांनाही विशेष सवलत दिली जात आहे.रेल्वेपासून क्रेडिट कार्डपर्यंत हे ५ मोठे बदल १ ऑगस्टपासून लागू झाले; पहा संपूर्ण यादी
Edited By- Dhanashri Naik