महिला टी२० आशिया कप २०२६ मध्ये आतापर्यंत एकूण सहा सामने खेळले गेले आहे. 'ब' गटातील गतविजेत्या श्रीलंका महिला संघाने आपला दुसरा सामना जिंकून उपांत्य फेरीतील आपले स्थान जवळपास निश्चित केले आहे. दरम्यान, 'अ' गटातील भारतीय महिला संघाने हरमनप्रीत कौरच्या नेतृत्वाखाली थायलंड महिला संघाविरुद्ध आपला पहिला सामना ९४ धावांच्या मोठ्या फरकाने जिंकून दमदार सुरुवात केली. आता भारतीय संघ ३ सप्टेंबर रोजी 'अ' गटातील आपल्या दुसऱ्या सामन्यात हाँगकाँग चीनचा सामना करेल, जिथे ते आपली विजयी मालिका कायम ठेवण्याचा प्रयत्न करतील. दोन संघांमधील सामना भारतीय प्रमाणवेळेनुसार रात्री ८:०० वाजता सुरू होईल आणि सोनी स्पोर्ट्स नेटवर्कवर थेट प्रक्षेपित केला जाईल.

अफगाणिस्तानविरुद्धच्या T20I मालिकेसाठी भारतीय संघाची घोषणा; संजू सॅमसनचे पुनरागमन

महिला टी२० आशिया कप २०२६ मधील भारत आणि हाँगकाँग चीन यांच्यातील गट 'अ' चा सामना दुबई आंतरराष्ट्रीय क्रिकेट स्टेडियमवर खेळला जाईल. हा सामना भारतीय प्रमाणवेळेनुसार रात्री ८:०० वाजता सुरू होईल आणि नाणेफेक सायंकाळी ७:३० वाजता होईल. हा सामना भारतात सोनी स्पोर्ट्स नेटवर्कच्या सोनी टेन-१ आणि सोनी टेन-३ या वाहिन्यांवर थेट प्रक्षेपित केला जाईल. भारतीय चाहते डीडी फ्रीडिशद्वारे डीडी स्पोर्ट्स वाहिनीवरही हा सामना थेट पाहू शकतात. सामन्याचे ऑनलाइन स्ट्रीमिंग सोनी लिव्ह ॲपवर उपलब्ध असेल, जिथे चाहते सहजपणे लॉग इन करून आपल्या मोबाईल फोनवर सामना पाहू शकतात.

Edited By- Dhanashri Naik

बीसीसीआय, निवड समिती आणि सेंटर ऑफ एक्सलन्सने भारतीय संघाच्या तंदुरुस्तीबाबत भूमिका अधिक कडक केली