हवामान विभागाने उत्तर महाराष्ट्रातील जळगाव जिल्ह्यासाठी थेट रेड अलर्ट जारी केला आहे. जळगावमध्ये सोसाट्याच्या वाऱ्यासह अतिवृष्टी, मेघगर्जना आणि विजांचा कडकडाट अपेक्षित आहे. दुसरीकडे, विदर्भ प्रदेशातही पावसाचा जोर लक्षणीयरीत्या वाढला आहे.

रेड अलर्ट: यवतमाळ, अमरावती, हिंगोली, परभणी, जालना जिल्हे आणि पुणे-नाशिक घाटांसाठी मुसळधार पावसाचा इशारा देत रेड अलर्ट जारी करण्यात आला आहे.

ऑरेंज अलर्ट: वाशिम, अकोला, वर्धा आणि चंद्रपूर जिल्ह्यांसाठी जारी.

यलो अलर्ट: नागपूर आणि बुलढाणा जिल्ह्यांसाठी जाहीर.

पुण्याचे जगदीश आफळे कोण आहेत? अयोध्या राम मंदिर ट्रस्टच्या सचिवपदाची जबाबदारी स्वीकारणार

हवामानशास्त्रज्ञांच्या मते, १ ऑगस्टनंतर विदर्भात पावसाचा जोर कमी होण्याची शक्यता आहे. कोकण किनारपट्टीवर सोसाट्याच्या वाऱ्याचा जोर वाढला असून, गोंदियामध्ये वादळाने हाहाकार माजवला आहे.

कोकण विभागातील रत्नागिरी जिल्ह्यात सध्या पावसापेक्षा सोसाट्याच्या वाऱ्याचा अधिक परिणाम जाणवत आहे. अरबी समुद्रात ताशी ४० ते ४५ किलोमीटर वेगाने वाहणाऱ्या वादळी वाऱ्यांमुळे पावसापासून काहीसा दिलासा मिळाला असला तरी, जिल्ह्यासाठी यलो अलर्ट जारी करण्यात आला आहे.

बिहारमधील तृतीयपंथी समुदाय पंतप्रधान नरेंद्र मोदींचे मंदिर उभारणार; जाणून घ्या याचे मुख्य कारण

Edited By- Dhanashri Naik