संगीत क्षेत्रात करिअर करण्याचे स्वप्न घेऊन, सोनू किशोरवयात आपल्या वडिलांसोबत मुंबईला आला.
मात्र, त्याला तिथे लगेच यश मिळाले नाही. त्याने अनेक संगीतकारांना आणि रेकॉर्डिंग स्टुडिओंना भेटी दिल्या, पण त्याला वारंवार निराशाच मिळाली.
एका मुलाखतीत सोनूने सांगितले की, तो मोठ्या उत्साहाने एका रेकॉर्डिंग स्टुडिओमध्ये पोहोचला होता, पण त्याला गाण्याची संधीच मिळाली नाही. स्टुडिओतून बाहेर पडताच त्याला आपले अश्रू आवरता आले नाहीत आणि तो ढसाढसा रडला.
त्याच्या संघर्षाच्या दिवसांमध्ये टी-सीरीजचे संस्थापक गुलशन कुमार यांनी त्याची प्रतिभा ओळखली. १९९२ मध्ये प्रदर्शित झालेल्या 'रफी की यादें' या अल्बमने त्याला नवीन ओळख मिळवून दिली. 'बेवफाई सनम' चित्रपटातील 'अच्छा सिला दिया तूने मेरे प्यार का' हे गाणे सुपरहिट झाले आणि सोनू निगम रातोरात घराघरात पोहोचला.
यानंतर सोनू निगमने कधीही मागे वळून पाहिले नाही. त्याने अनेक अविस्मरणीय गाणी गायली. हिंदी व्यतिरिक्त, त्याने कन्नड, तमिळ, तेलगू, बंगाली आणि मराठीसह अनेक भाषांमध्ये ६,००० हून अधिक गाणी रेकॉर्ड केली आहे. तसेच सोनू निगमच्या उत्कृष्ट गायनाने त्याला राष्ट्रीय चित्रपट पुरस्कार, अनेक फिल्मफेअर पुरस्कार, एक आयफा पुरस्कार आणि २०२२ मध्ये पद्मश्री पुरस्कार मिळवून दिला आहे.
Edited By- Dhanashri Naik
बॉलीवूडचे अविस्मरणीय पडद्यावरील शिक्षक, ज्यांनी वर्गाबाहेरचे जीवनाचे धडे शिकवले