नयाँ दिल्ली, 30 अप्रेल (हि.स.)। दिल्लीको द्वारकाको सेक्टर 24 स्थित गोल्फ कोर्स कम्प्लेक्सको पोखरीमा आज बिहान तीन जना बालबालिका डुबे। बालबालिकाहरू गहिरो पोखरीमा गएर डुबेको आशंका गरिएको छ।

तीनै जनाको शव निकालिएको छ। पुलिसले नजिकैका बासिन्दाहरूको सहयोगमा उनीहरूको पहिचान गर्ने प्रयास गरिरहेको छ।

पुलिस अनुसार, बिहान 7.07 बजीतिर सेक्टर 23 द्वारका थानामा तीन बालबालिका सेक्टर 24 गल्फ कोर्स पोखरीमा डुबेको पीसीआर कल आएको थियो। जानकारी पाएपछि थाना प्रभारी आफ्नो टोली सहित त्यहाँ पुगे। दमकल विभाग र अन्य सम्बन्धित निकायहरूलाई बोलाइयो। केही बेरको प्रयासपछि तीन बालबालिकालाई पोखरीबाट बाहिर निकालियो।

पुलिस अधिकारीहरूले बताए, बालबालिकाहरू लगभग 8 देखि 10 वर्षबीच छन्। उनीहरूको लुगा पोखरीको किनारमा भेटिएको छ। उनीहरू नुहाउने उद्देश्यले पोखरीमा पसेको आशंका गरिएको छ। पुलिसको भनाई छ, प्रारम्भिक अनुसन्धानले यो दुर्घटना भएको देखाउँछ। कुनै पनि थानामा बालबालिका हराएको रिपोर्ट गरिएको छैन। वरपरको क्षेत्रको सीसीटीभी फुटेज जाँच गरिँदैछ।