गान्तोक, 30 मई (हि.स.)। सिक्किम डेमोक्रेटिक फ्रण्ट (एसडीएफ) पार्टीको राङगाङ याङगाङ निर्वाचन क्षेत्रस्तरीय कमिटीको बैठक आज नाम्चीस्थित घुर्पिसेमा सम्पन्न भयो। एसडीएफ अध्यक्ष पवन चामलिङको उपस्थितिमा आयोजित बैठकमा निर्वाचन क्षेत्रमा पार्टी संगठनलाई सुदृढ़ पार्ने, संगठनात्मक विस्तार र तृणमूल स्तरमा पहुँचका लागि रणनीतिहरूमा छलफल भएको बताइएको छ।

एसडीएफ पार्टी अनुसार, कर्मा नाम्कालाई नाम्ची जिल्ला उपाध्यक्ष प्रभारी र बर्फुङ निर्वाचन क्षेत्र प्रभारी तथा निर्मल प्रधानलाई मल्ली निर्वाचन क्षेत्रको संगठन प्रभारी नियुक्त गरिएको छ।

यसैगरी, राङगाङ याङगाङ निर्वाचन क्षेत्रको संगठन प्रभारी पीके राई, सीएलसी अध्यक्ष केडी राई, एमबी लिम्बू सल्लाहकार, मोहन प्रसाद लिम्बू उपाध्यक्ष, गौरी बस्नेत उपाध्यक्ष, वाईटी लेप्चा उपाध्यक्ष, दिनेश गुरुङ महासचिव एवं युवा प्रभारी र मनुहाङ्गा लिम्बू महासचिव नियुक्त भएका छन्।

लाखीलाई राङगाङ याङगाङ निर्वाचन क्षेत्रकी चेली संयोजक, बिनिता गुरुङलाई र उप चेली संयोजक नियुक्त गरिएको छ। यसरी नै प्रकोश कुमार राईलाई संयुक्त सचिव र मनोज राईलाई चालक मोर्चा समन्वयक नियुक्त गरिएको बताइएको छ।

सभालाई सम्बोधन गर्दै एसडीएफ अध्यक्ष चामलिङले सबै नवनियुक्त पदाधिकारीहरूलाई बधाई दिॅंदै सिक्किमका जनताको हितमा संगठनलाई बलियो बनाउन तल्लो तहमा लगनशीलताका साथ काम गर्न आह्वान गरे। उनले जनतासँग सम्पर्कमा रहनु, उनीहरूको चिन्ता बुझ्नु र जनतालाई असर गर्ने मुद्दाहरूलाई निरन्तर उठाउनुको महत्त्वमा जोड दिए।