गान्तोक, 04 मई (हि.स.)। लुइङ पर्बिङका एक बासिन्दाबाट राष्ट्रिय राजमार्गमा क्षति भएको गुनासो प्राप्त भएपछि आज बिहान लुइङ-राङ्का सडकको सिल्टिङ डॉंडामा संयुक्त निरीक्षण गरियो। गान्तोकका एसडीएम महेन्द्र छेत्रीले अगुवाई गरेको निरीक्षणमा क्षेत्र विधायक कला राई पनि उपस्थित थिइन्।

निरीक्षणका क्रममा भूक्षयका कारण सडकको लगभग आधा भाग बगाएको थाहा लाग्यो। रिटेनिङ पर्खाल खुकुलो र थुप्रिएको माटोमा निर्माण गरिएकाले भार सहन गर्न नसकेर यो भत्कियो बताइयो। सडकका केही भागहरूमा चिराहरू पनि देखिए। निरीक्षण टोलीले एसएम इन्फ्रा लिमिटेडको परियोजना प्रबन्धकलाई थप क्षरण रोक्न र क्षतिग्रस्त खण्डमा तत्काल रोकथाम कार्य शुरू गर्न प्रभावित स्लाइड क्षेत्रलाई तुरुन्तै तिरपालले ढाक्न निर्देशन दिइयो।

प्रशासनले यस अवस्थालाई गम्भीरतापूर्वक लिएको छ र समयमै पुनर्स्थापना सुनिश्चित गर्न र थप क्षति रोक्न आवश्यक कदमहरू चालिएको बताइएको छ।

हिन्दुस्थान समाचार / बिशाल