प्रयागराज, 02 मई (हि.स.)। उत्तर प्रदेशको प्रयागराज जिल्लाको धुमनगञ्ज थाना क्षेत्रको यातायात क्षेत्रमा बस्ने कानपुरका एक युवकको शनिवार रहस्यमय परिस्थितिमा मृत्यु भयो। जानकारी पाएपछि पुलिस टोलीले शवलाई आफ्नो कब्जामा लिएर कानूनी कारबाही शुरु गरेको छ।
मृत्युको कारण अज्ञात रहेको पुलिसले जानकारी गराएको छ। सही कारण पत्ता लगाउन पोस्टमार्टम गरिनेछ।
पुलिस उपायुक्त नगर मनीष कुमार शाण्डिल्यले भने, धुमनगञ्ज थानालाई शनिवार बिहान नरेन्द्र सिंहको शंकास्पद अवस्थामा मृत्यु भएको जानकारी दिइएको थियो। कानपुर शहरको बिल्लौर थाना क्षेत्रको बरामऊ मोहल्ला निवासी प्रभुदयालका छोरा नरेन्द्र सिंह (45) विगत केही दिनदेखि संगम ट्रान्सपोर्टरमा काम गरिरहेका थिए, जहाँ उनको शंकास्पद अवस्थामा मृत्यु भयो। पुलिसले शनिवार बिहान उनको मृत्युको बारेमा जानकारी पाएको बताएको छ। जानकारीपछि शवलाई आफ्नो कब्जामा लिएर कानूनी कारबाही शुरु गरिएको छ।
हिन्दुस्थान समाचार / भवानी थामी