नयाँ दिल्ली, 09 मई (हि.स.)। कांग्रेस सांसद राहुल गान्धीले बिहार लोक सेवा आयोग (बीपीएससी) द्वारा चौथो चरणको शिक्षक भर्ती विज्ञापन जारी गर्न माग गर्दै पटनामा विरोध प्रदर्शन गरिरहेका अभ्यर्तीहरूमाथि पलिसले गरेको लाठीचार्जको निन्दा गरेका छन्।
उनले बेरोजगार युवाहरूको आवाज सुन्नुको सट्टा सरकारले उनीहरूमाथि बल प्रयोग गरिरहेको आरोप लगाए।
राहुल गान्धीले सामाजिक सञ्जाल प्लेटफर्म एक्समा घटनाको लगभग एक मिनेटको भीडियो साझा गरेका छन्, जसमा पुलिसले प्रदर्शनकारी विद्यार्थीहरूमाथि लाठीचार्ज गरेको देखिन्छ। पोस्टमा राहुल गान्धीले भनेका छन्, बिहार पुलिसले रोजगारीको अधिकारको माग गर्दै शान्तिपूर्ण रूपमा विरोध गरिरहेका शिक्षक अभ्यर्थीहरूसित क्रूर व्यवहार गरेको छ। उनले भने, बेरोजगार युवाहरूको प्रश्नको भाजपा सरकारको एक मात्र जवाफ लाठीचार्ज र दमन हो।
राहुल गान्धीले लेखेका छन्, बेरोजगारी आज भारतमा सबैभन्दा ठूलो समस्या हो र यसले बिहार र उत्तर प्रदेशका युवाहरूलाई सबैभन्दा बढ़ी असर गरिरहेको छ। डिग्री र योग्यता हासिल गरेपनि लाखौं युवाहरू अझै पनि रोजगारीको लागि संघर्ष गरिरहेका छन् तर सरकार उनीहरूको समस्याको समाधानप्रति गम्भीर देखिँदैन।
कांग्रेस नेताले भने, जब युवाहरू आफ्नो अधिकार र रोजगारीको माग गर्न सड़कमा उर्लिन्छन्, उनीहरूलाई जागिर दिनुको सट्टा लाठीचार्ज गरिन्छ। उनले आरोप लगाए कि भाजपा समर्थित केन्द्र र राज्य सरकारले युवाहरूको समस्या बुझ्नुको सट्टा दमनकारी दृष्टिकोण अपनाइरहेका छन्।
राहुल गान्धीले भने, देशका युवाहरू अब भाजपाको झूटा वाचाहरू बाट वाक्क भइसकेका छन् र अब चुप लाग्ने छैनन्। उनले आश्वासन दिए कि कांग्रेस सबै परिस्थितिमा युवाहरूको साथमा उभिनेछ र रोजगारी र अधिकारको लागि उनीहरूको लड़ाईमा उनीहरूलाई समर्थन गरिरहनेछ।
यो उल्लेखनीय छ कि पटनामा ठूलो संख्यामा उम्मेदवारहरू बीपीएससी शिक्षक भर्तीको चौथो चरणको अधिसूचना जारी गर्न माग गर्दै विरोध प्रदर्शन गरिरहेका थिए। पुलिस र प्रदर्शनकारीहरूबीच तनाव बढ्यो, जसले गर्दा लाठीचार्ज भयो। घटनाले राज्यको राजनीतिलाई तताएको छ र विपक्षले सरकारलाई निरन्तर निशाना बनाइरहेको छ।
हिन्दुस्थान समाचार / भवानी थामी