बारासतका सांसद काकोली घोष दस्तिदारले बुधवार लोकसभा अध्यक्षलाई पठाएको पत्रमा कल्याण ब्यानर्जी विरुद्ध औपचारिक उजुरी दर्ता गर्न अनुमति मागेकी छन्। उनले कल्याण बनर्जीले लोकसभा भित्र धेरै पटक मौखिक दुर्व्यवहार गरेको र महिला सांसदहरूप्रति उनको व्यवहार अनादरपूर्ण र महिला द्वेषपूर्ण रहेको आरोप लगाएकी छन्।

यद्यपि, यस विषयमा काकोली घोष र कल्याण ब्यानर्जी दुवैलाई सम्पर्क गर्ने प्रयास गरियो तर कुनै आधिकारिक प्रतिक्रिया प्राप्त भएन।

यो विवाद त्यस्तो समयमा आएको हो जब काकोली घोष दस्तिदारले हालै तृणमूल कांग्रेसभित्रका सबै संगठनात्मक पदहरूबाट राजीनामा दिएकी थिइन्। उनले पहिले बारासत संगठनात्मक जिल्लाको अध्यक्ष पदबाट राजीनामा दिएकी थिइन्। राजीनामाको क्रममा उनले चुनाउ रणनीतिकार संगठन आई-पैकलाई पनि नाम नलिई निशाना बनाएकी थिइन् र पार्टीभित्रको असन्तुष्टिलाई संकेत गरेकी थिइन्।

आफ्नो राजीनामा पत्रमा काकोलीले प्रत्यक्ष रूपमा कल्याण ब्यानर्जीमाथि आक्रमण गरिन्। उनले लेखिन्, महिला सांसदहरूप्रति हुने अभद्र व्यवहार रोक्न असम्भव भएको र शीर्ष नेतृत्वबाट समर्थन वा सहानुभूतिको अभाव भएको पदमा रहनुको कुनै औचित्य छैन।

काकोलीको आरोपको जवाफ दिँदै कल्याण ब्यानर्जीले जवाफ दिए। उनले भने, उनले 2011 देखि 2025 सम्म संसदीय दलको प्रमुख सचेतकको रूपमा काम गरेका थिए र काकोलीले यस्ता आरोप लगाउनुअघि आफ्नो राजनीतिक अतीतको समीक्षा गर्नुपर्छ। उनले नारद काण्ड र सिन्डिकेट राजनीतिलाई उल्लेख गर्दै काकोलीलाई पनि निशाना बनाए।

यो सम्पूर्ण घटनाले पश्चिम बंगालको राजनीतिमा नयाँ बहस शुरु गरेको छ। घोषको उजुरीमा सबैको नजर अब लोकसभा अध्यक्ष ओम बिरलाको कारबाहीमा छ।

हिन्दुस्थान समाचार / भवानी थामी