अगरतला, 03 मई (हि.स.)। त्रिपुराको राज्य सरकारले केही विभागहरूमा 107 वटा नयाँ पद सिर्जना गरी त्यसलाई भर्ने स्वीकृति दिएको छ। दोस्रो विश्व युद्धका पूर्व सैनिकहरूका विदुईहरूको लागि मासिक भरण-पोषण भत्तालाई पनि बढ़ाउनको साथै ड्यूटीमा शहीद भएका सीएरपीएफ जवानहरूको आश्रित बाल-बालिकाहरूको लागि एउटा कल्याणकारी योजनालाई पनि स्वीकृति दिएको छ।

मुख्यमन्त्री माणिक साहाको अध्यक्षतामा सम्पन्न भएको बैठकपछि गए शनिवार राती मीडियालाई जानकारी गराउँदै क्याबिनेट प्रवक्ता सुशान्त चौधरीले बताए, मन्त्रीपरिषदले भर्ती एवं सामाजिक कल्याणसित सम्बन्धित प्रस्तावहरूलाई मञ्जुरी दिएको छ। उनले बताए, क्याबिनेटले चुनाउ विभागमा 15 वटा खाली पदहरूलाई भर्ने स्वीकृति दिएको छ जसमा ग्रुप सी अन्तर्गत लोअर डिभीजन क्लर्क (एलडीसी)- को 11 वटा पद र ग्रुप डी अन्तर्गत मल्टी-टास्किङ्ग स्टाफको 4 वटा पद सामेल छन्।

एलडीसीका पदहरूमा 6 वटा पद सोझै भर्तीको माध्मबाट र 5 वटा पदोन्नति (प्रमोशन)-को माध्यमबाट भरिनेछ जबकि ग्रुप डीका सबै पदहरूलाई सोझै भर्तीको माध्यमबाट भरिनेछ।

एक कल्याणकारी कदमको रूपमा क्याबिनेटले दोस्रो विश्व युद्धका पूर्व सैनिकहरूका 12 जना विदुईहरूको लागि मासिक भरण-पोषण भत्ता 10,000 रुपियाँदेखि बढ़ाएर 15,000 रुपियाँ बनाउने फसेला लिएको छ। उनले बताए, यस भत्तामा अन्तिम पटक वर्ष 2019-मा परिवर्तन गरिएको थियो।