ଅଗଷ୍ଟ ୨୬ ତାରିଖରେ ନେପାଳରେ ଘଟିଥିବା ଭୟଙ୍କର ବନ୍ୟା ସମସ୍ତଙ୍କୁ ସ୍ତବ୍ଧ କରିଦେଇଛି। ବହୁଲୋକଙ୍କର ସର୍ବସ୍ବ ଚାଲିଯାଇଛି। ଏହି କ୍ଷୟକ୍ଷତି ମଧ୍ୟରେ, ତ୍ରିଶୁଳି ବଜାରରେ ଏକ କୁକୁର ବିଶ୍ୱସ୍ତତାର ଏକ ଉଜ୍ଜ୍ୱଳ ଉଦାହରଣ ପାଲଟିଛି। ପୋଷା କୁକୁରଟି ସେହି ସ୍ଥାନରେ ସ୍ଥିର ରହିଛି ଯେଉଁଠାରେ ଚାରୋଟି ଘର ଭାସି ଯାଇଥିଲା। ଘରଟି ଭୟଙ୍କର ବନ୍ୟାର ପ୍ରଖର ସ୍ରୋତରେ ଭାସିଯାଇଛି।
ଘର ସାମ୍ନାରେ କୁକୁରଟି ସେମିତି ଛିଡ଼ା ହୋଇଛି
କୁକୁରଟି ଏବେ ବି ବେକରେ ଏବେବି ପଟି ବନ୍ଧା ହୋଇଛି ଏବଂ ସେହି କାଦୁଅ ଅଞ୍ଚଳରୁ ଯିବାକୁ ମନା କରୁଛି ଯାହା ଥରେ ତାର ଘର ଥିଲା। JCB ମେସିନ୍ ଏବଂ ଉଦ୍ଧାରକାରୀ ଦଳ କାଠ, କାଦୁଅ ଏବଂ ଭଗ୍ନାବଶେଷ ସଫା କରିବାକୁ ଚେଷ୍ଟା କରୁଥିବା ସତ୍ତ୍ବେ ପୋଷା କୁକୁରଟିକୁ ହଟାଯାଇପାରି ନାହିଁ।
ଉଦ୍ଧାର କାର୍ଯ୍ୟରେ ସାମିଲ ଥିବା ଜଣେ ସ୍ୱେଚ୍ଛାସେବୀ ବିକ୍ରମ ଥାପା ଗଣମାଧ୍ୟମକୁ କହିଛନ୍ତି ଯେ ପ୍ରଥମେ କର୍ମଚାରୀମାନେ କୁକୁରକୁ ବିସ୍କୁଟ ଦେଇ ଏବଂ ଡାକି ନିରାପଦ ସ୍ଥାନକୁ ନେଇଯିବାକୁ ଚେଷ୍ଟା କରିଥିଲେ, କିନ୍ତୁ ସେ କୁକୁରଟି ସେହି ଜାଗାରୁ ବିଲକୁଲ ହଟୁନି। କୁକୁରଟିର ବେକରେ ପଟି ଏବେ ବି ସେହି ସ୍ଥାନରେ ରହିଛି। କିନ୍ତୁ ସେ ହଲିବାକୁ ସମ୍ପୂର୍ଣ୍ଣ ଅନିଚ୍ଛୁକ ବୋଲି ଥାପା କହିଛନ୍ତି।
ଭଗ୍ନାଂଶ ଅପସାରଣ କାର୍ଯ୍ୟରେ ସାମିଲ ଥିବା ସୁନୀଲ ତମାଙ୍ଗ କହିଛନ୍ତି ଯେ ନିକଟରେ ଖନନକାରୀଙ୍କ ଉପସ୍ଥିତି ସତ୍ତ୍ୱେ, କୁକୁରଟି ବହୁତ ଶାନ୍ତ ରହୁଛି। ଯେତେବେଳେ କୌଣସି ଗାଡ଼ି କିମ୍ବା ମଣିଷ ପାଖକୁ ଆସୁଛନ୍ତି ସେତେବେଳେ କୁକୁରଟି ମୁଣ୍ଡ ଉପରକୁ ଉଠାଉଛି। ପୁଣି ସେହି କାଦୁଅକୁ ଫେରିଯାଇ ନିଜ ମାଲିକକୁ ଖୋଜୁଛି।
ଭୟଙ୍କର ବନ୍ୟା ଯୋଗୁ ଚାରିଆଡେ ଯେମିତି ହାହାକାର ପାଲଟିଛି। ଘର ଗୁଡ଼ିକ ନିଶ୍ଚିହ୍ନ ହୋଇଯାଇଛି। ବଡ଼ ବଡ଼ କୋଠା ଭାସିଯାଇଛି କେବଳ କିଛି ଅଂଶ ପଡ଼ି ରହିଛି। କର୍ମଚାରୀ ମାନେ ଏଯାଏ ଜାଣିାପରୁ ନାହାନ୍ତି କୋଉ ଘରଟା ସେହି କୁକୁର ମାଲିକଙ୍କର ଥିଲା। କିନ୍ତୁ କୁକୁରଟି ବାରମ୍ବାର ଏକ କାଦୁଅ ଭରା ଜାଗାରେ ଠିଆ ହେଉଥିବାରୁ କର୍ମଚାରୀମାନେ ଏକପ୍ରକାର ନିଶ୍ଚିତ ହୋଇଛନ୍ତି ଯେ, ଏହା ବୋଧେ ତାର ମାଲିକର ଘର ଥିଲା।
ଜଣେ ରେସକ୍ୟୁ କର୍ମଚାରୀ କହିଛନ୍ତି ଯେ, ଲୋକମାନେ ସେହି କୁକୁରକୁ ସେହି ଜାଗାରୁ ଜବରଦସ୍ତି ହଟାଇବାକୁ ଚେଷ୍ଟା କରିବା ଛାଡ଼ିଦେଇଛନ୍ତି।
ବରଂ କୁକରୁ ପାଖରେ ଖାଦ୍ୟ ଏବଂ ପାଣି ଛାଡି ଦିଅନ୍ତି। କୁହାଯାଏ ଯେ କୁକୁରଟି କେବଳ ସେତେବେଳେ ଖାଏ ଯେତେବେଳେ ଚାରିପାଖ ଶାନ୍ତ ଥାଏ। ଯେଉଁମାନେ ନିଜର ଘର ହରାଇଛନ୍ତି, ସେମାନଙ୍କ ପାଇଁ ଏହି ପ୍ରାଣୀର ଆଚରଣ ନିଖୋଜ ଥିବା ଲୋକଙ୍କ କଥା ମନେ ପକାଇ ଦେଉଛି। ସ୍ଥାନୀୟ ଲୋକମାନେ କହିଛନ୍ତି ଯେ ସେମାନେ କୁକୁରଟି ଉପରେ ନଜର ରଖିଛନ୍ତି କାରଣ ଏହା ଧ୍ୱଂସାବଶେଷ ମଧ୍ୟରେ ପ୍ରିୟଜନଙ୍କ ପାଇଁ ଅପେକ୍ଷା କରି ରହିଛି।