ଭୋପାଳ: ଯିଏ ଶୁଣୁଛି ସେ ହସିବ କି ଆଶ୍ଚର୍ଯ୍ୟ ହେବ ଜାଣିପାରୁନି । କାରଣ ଘଟଣାଟା କିଛି ଏମିତି । ଶେଷରେ ଚୋରମାନଙ୍କ କବଳରୁ ଅଳିଆବୁହା ଗାଡ଼ି ବି ବର୍ତ୍ତିପାରିନି । ଘରକୁ ଘର ବୁଲି ଅଳିଆ ଆବର୍ଜନା ସଂଗ୍ରହ କରୁଥିବା ଗାଡ଼ିକୁ ଶେଷରେ ଚୋରି କରିନେଇଛନ୍ତି ଦୁର୍ବୃତ୍ତ । ଚୋରଙ୍କ ଏହି କାରନାମାର ଭିଡିଓ ମଧ୍ୟ ସିସିଟିଭି କ୍ୟାମେରାରେ କଏଦ ହୋଇଛି ।
କିଛି ଦିନ ପୂର୍ବରୁ ଏହି ଅଞ୍ଚଳରେ ୫୦୦ ବର୍ଷ ପୁରାତନ ସିନ୍ଧିଆରାଜ ଘରର ଐତିହାସିକ ତୋପ ଚୋରି ହୋଇଥିଲା । ଏବେ କୋଲାରସ ପୌର ପରିଷଦ ସରକାରୀ କାର୍ଯ୍ୟାଳୟରେ ପାଖରେ ପାର୍କ୍ ହୋଇଥିବା ଗାଡ଼ିକୁ ଚୋରମାନେ ଚୋରି କରିନେଇଛନ୍ତି, ଯାହାକି ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଦେଇଛି । ଚୋରି କରିବାର ପୂରା ଘଟଣା ସିସିଟିଭିରେ କଏଦ ହୋଇଛି । ତଥାପି ଏଯାବତ୍ ଚୋରି ହୋଇଯାଇଥିବା ଅଳିଆବୁହା ଗାଡ଼ି କିମ୍ବା ଚୋରଙ୍କ ପତ୍ତା ଲାଗିପାରିନାହିଁ ।
- କଣ ପୂରା ଘଟଣା ?
ପଢନ୍ତୁ ଏହି ଖବର: ରାତାରାତି ଉଠାଇନେଲେ ୪୦ ଟନ୍ ଆଖୁ; ୨ ସଦିଗ୍ଧ ଗିରଫ
ଏହାପରେ ରାତି ପ୍ରାୟ ୧୦ଟାରେ ଏହି ଅଳିଆବୁହା ଗାଡ଼ି ପୁରନଖେଡି ଟୋଲ୍ ପ୍ଲାଜା ନିକଟରେ ଦେଖିବାକୁ ମିଳିଥିଲା । ଏଥିରୁ ଜଣାପଡ଼ିଥିଲା ଯେ ଚୋରମାନେ ଗାଡ଼ିଟିକୁ ଉକ୍ତ ଅଞ୍ଚଳର ବାହାରକୁ ନେଇଯିବାକୁ ଯୋଜନା ରଖିଥିଲେ । ପୁରନଖେଡି ଟୋଲ୍ ପ୍ଲାଜା ନିକଟରେ ଅଳିଆ ଗାଡି ଓ ଡ୍ରାଇଭରଙ୍କୁ ସ୍ପଷ୍ଟ ଭାବେ କ୍ୟାମେରାରେ ଦେଖାଯାଇଥିଲା । ସିସିଟିଭି ଫୁଟେଜ୍ ସାମ୍ନାକୁ ଆସିବା ପରେ ପୋଲିସ କହିଛି ଯେ ଏହି ଚୋରଗୋଷ୍ଠୀ ପୂର୍ବରୁ ଗାଡ଼ି ସମ୍ପର୍କରେ ତଥ୍ୟ ରଖିଥିଲେ ଓ ସୁଚିନ୍ତିତ ଢଙ୍ଗରେ ଏହାକୁ ଚୋରି କରିଛନ୍ତି ।
- ତଦନ୍ତ ଜାରି ରଖିଛି ପୋଲିସ