ମ୍ୟାଚ ଶେଷ ହେବା ପରେ ବୈଭବ ଡଗଆଉଟରେ ନିରାଶ ଏବଂ ଭାବୁକ ଦେଖାଯାଇଥିଲେ। ସୋସିଆଲ ମିଡିଆରେ ତାଙ୍କର ଅନେକ ଭିଡିଓ ଭାଇରାଲ ହୋଇଛି, ଯେଉଁଥିରେ ଦଳ ବାହାରିଯିବାର କଷ୍ଟ ତାଙ୍କ ମୁହଁରେ ସ୍ପଷ୍ଟ ଦେଖାଯାଉଥିଲା। କ୍ରିକେଟ ପ୍ରେମୀମାନେ ମଧ୍ୟ ଏହି ଯୁବ ଖେଳାଳିଙ୍କ ପ୍ରଦର୍ଶନକୁ ପ୍ରଶଂସା କରିବା ସହ ତାଙ୍କର ଉତ୍ସାହ ବଢ଼ାଇଛନ୍ତି। ଏହି ତାଲିକାରେ ଅମିତାଭ ବଚ୍ଚନଙ୍କ ନାମ ମଧ୍ୟ ସାମିଲ ରହିଛି। ବିଗ ବି' ଟୁଇଟ କରି କହିଛନ୍ତି, ୧୫ ବର୍ଷ ବୟସରେ ଅଦ୍ଭୁତ ସୂର୍ଯ୍ୟା। ଏହି ବୟସରେ, ଆମେ ବଣ୍ଟୋ ଏବଂ ଗୁଲିଡଣ୍ଡା ମଧ୍ୟ ଠିକ ଭାବରେ ଖେଳିପାରିନ ଥିଲୁ।

ବିଗ ବି'ଙ୍କ ଏହି ଟୁଇଟ୍‌ ପ୍ରଶଂସକଙ୍କ ମନ ଜିଣି ନେଇଛି। ଜଣେ ପ୍ରଶଂସକ କମେଣ୍ଟ କରି ଲେଖିଛନ୍ତି, 'ଆଇପିଏଲର ଫ୍ୟାନ ହେବା କିମ୍ବା ନହେବା ଅଲଗା କଥା, କିନ୍ତୁ ଦୁଃଖର କଥା ହେଉଛି ଆମେ ବର୍ତ୍ତମାନ ବୈଭବ ସୂର୍ଯ୍ୟବଂଶୀଙ୍କ ଆଉ ଏକ ପାଳି ଦେଖିବାକୁ ପାଇବୁ ନାହିଁ।' ସେହିପରି ଅନ୍ୟ ଜଣେ ଲେଖିଛନ୍ତି, 'ଗୁଲିଡଣ୍ଡା ହେଉଛି କ୍ରିକେଟର ଜନନୀ। ବୈଭବ ସୂର୍ଯ୍ୟବଂଶୀ ଭବିଷ୍ୟତର ହିରୋ। ତାଙ୍କ ସଫଳତା ପଛରେ ତାଙ୍କ ପିତାଙ୍କ ସଂଘର୍ଷ ରହିଛି, ଯାହାକୁ ସଲାମ କରିବା ଉଚିତ୍‌।

ଆପଣଙ୍କୁ ଜଣାଇବାକୁ ଚାହିଁବୁ ଯେ ଆଇପିଏଲ ୨୦Event ପରେ ବୈଭବ ସୂର୍ଯ୍ୟବଂଶୀ 'ଇଣ୍ଡିଆ ଏ' ପକ୍ଷରୁ ଟ୍ରାଇ-ସିରିଜ (ତ୍ରିଦେଶୀୟ ସିରିଜ) ଖେଳିବାକୁ ଓହ୍ଲାଇବେ। ତାଙ୍କୁ ପ୍ରଥମ ଥର ପାଇଁ ଇଣ୍ଡିଆ ଏ ଦଳରେ ସ୍ଥାନ ମିଳିଛି। ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (BCCI) ତାଙ୍କର ଚମତ୍କାର ଫର୍ମକୁ ଦେଖି ଶ୍ରୀଲଙ୍କା ଏ ଏବଂ ଆଫଗାନିସ୍ତାନ ଏ ବିପକ୍ଷରେ ହେବାକୁ ଥିବା ଟ୍ରାଇ-ସିରିଜ ପାଇଁ ତାଙ୍କୁ ଦଳରେ ସାମିଲ କରିଛି।

Odisha's No.1 Odia Daily