ଲୋଇସିଂହା,୩୦।୫(ସୁଶାନ୍ତ ବାରିକ):ନବଗଠିତ ଲୋଇସିଂହା ଏନଏସି ଅଧୀନ ବୁର୍ଡା ଗ୍ରାମରେ ଜଳଯୋଗାଣ କ୍ଷେତ୍ରରେ ଅନିୟମିତତା ଅଭିଯୋଗ ହୋଇଛି ା ତେବ ଗ୍ରାମର ବିଭିନ୍ନ ପଡ଼ାକୁ ପାଳି କରି ପାଇପ ଯୋଗେ ଜଳଯୋଗାଣ ହେଉଛି। ଏହି କ୍ରମରେ ଗ୍ରାମର କଲୋନୀପଡାବାସୀ ଗୋଟିଏ ସପ୍ତାହ ହେବ ପାଇପ ଜଳ ଯୋଗାଣରୁ ବଞ୍ଚତ୍ତ ହୋଇ ହଟହଟା ହେଉଛନ୍ତି।

ଉକ୍ତ ପଡାକୁ ପାଇପ ଯୋଗେ ପିଇବା ପାଣି ଯୋଗାଣ ବନ୍ଦ ରହିଥିବାରୁ ପ୍ରାୟ ୭୦ରୁ ଊର୍ଦ୍ଧ୍ୱ ପରିବାର ଜଳ ସମସ୍ୟାର ସମ୍ମୁଖୀନ ହେଉଛନ୍ତି ା ଏ ନେଇ ଅସନ୍ତୋଷ ବଢିବାରେ ଲାଗିଛି ା
ସୂଚନା ଅନୁଯାୟୀ, ଫାସଡସ୍ଥିତ ସୁକତେଲ ନଦୀରୁ ବୁର୍ଡା ଗ୍ରାମକୁ ପିଇବା ପାଣି ଯୋଗାଣ ବ୍ୟବସ୍ଥା କରାଯାଇଛି ା ଗ୍ରାମରେ ଥିବା ପମ୍ପହାଉସ ମାଧ୍ୟମରେ ବସ୍ତି ଅଞ୍ଚଳକୁ ପାଇବ ଯୋଗେ ଜଳ ଯୋଗାଣ ହୋଇଥାଏ ା କିନ୍ତୁ ଖରାଦିନ ଆସିବା ମାତ୍ରେ ପ୍ରକଳ୍ପରେ ପାଣି ଅଭାବ ଦର୍ଶାଇ ବିଭିନ୍ନ ଅଞ୍ଚଳକୁ ପାଳି କରି ଜଳଯୋଗାଣ କରାଯାଉଛି। ଏଥିଯୋଗୁ ବିଭିନ୍ନ ପଡାର ଲୋକଙ୍କୁ ଗୋଟିଏ ସପ୍ତାହରୁ ଅଧିକ ସମୟ ଧରି ପାଣି ପାଇଁ ଅପେକ୍ଷା କରିବାକୁ ପଡୁଛି। ତେବେ କଲୋନୀ ପଡ଼ାକୁ ଏକ ସପ୍ତାହରୁ ଅଧିକ ସମୟ ହେବ ଜଳ ଯୋଗଣ ସମ୍ପୂର୍ଣ୍ଣ ବନ୍ଦ ରହିଥିବା ଅଭିଯୋଗ ହୋଇଛି। ପଡାରେ ଥିବା ନଳକୂପ ପାଣି ପିଇବା ଅନୁପଯୋଗୀ ହୋଇଥିବାରୁ ଲୋକେ ବାଧ୍ୟ ହୋଇ ଦୂରଦୂରାନ୍ତରୁ ପାଣି ସଂଗ୍ରହ କରୁଛନ୍ତି। ବିଶେଷ କରି ମହିଳାମାନେ ଦୈନନ୍ଦିନ କାମ ଛାଡି ପାଣି ପାଇଁ ଘଣ୍ଟା ଘଣ୍ଟା ଧରି ଅପେକ୍ଷା କରୁଥିବାରୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। କଲୋନୀପଡା ସମେତ ବସ୍ତିର ବିଭିନ୍ନ ଅଞ୍ଚଳକୁ ନିୟମିତ ଭାବେ ଜଳଯୋଗାଣ କରିବାକୁ ଦାବି ହେଉଛି ା

Dharitri - Odisha's No.1 Odia Daily