ମଙ୍ଗଳବାର ଦ୍ବିପ୍ରହରରେ ଗୋଡଭଗା କ୍ୟାମ୍ପରୁ ଗୋଡଭଗା ଗ୍ରାମକୁ ସଂଯୋଗ କରୁଥିବା ପୁରୁଣା ରାସ୍ତା ପାଶର୍‌ବସ୍ଥ ଏକ କୁକୁଡା ଦୋକାନରେ ଭୁଜାଲି ଓ ଛୁରାମାଡ ହୋଇଛି। ଏଥିରେ ସ୍ଥାନୀୟ ଗୋଲକ ନଗର ନିବାସୀ ଗୋବର୍ଦ୍ଧନ ପାଣ୍ଡେ (୩୮) ଏବଂ ପ୍ରତିପକ୍ଷର ଗୋଡଭଗା ନିବାସୀ ପିକୁଲ ଦାଶ(୩୫) ଗୁରୁତର ଆହତ ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ ଭୀମସାର୍‌, ବୁର୍ଲା ଡାକ୍ତରଖାନାକୁ ପଠାଯାଇଥିଲା। ତେବେ ଚିକିତ୍ସା ପରେ ସେମାନେ ଗୁରୁବାର ଘରକୁ ଫେରିଥିବା ସୂଚନା ମିଳିଛି।
ତେବେ ଏ ନେଇ ଗୋବର୍ଦ୍ଧନ ଏତଲା ଦେଇଥିବାବେଳେ ପ୍ରତିପକ୍ଷରୁ ଏପର୍ଯ୍ୟନ୍ତ ଏତଲା ହୋଇ ନ ଥିବା ଗୋଡଭଗା ଫାଣ୍ଡି ଅଧିକାରୀ କହିଛନ୍ତି। ଅନ୍ୟପକ୍ଷରେ ଘଟଣାସ୍ଥଳଟି ଗୋଡଭଗା ଫାଣ୍ଡିଠାରୁ ଅନତିଦୂରରେ ରହିଛି ଏବଂ ଘଟଣାସ୍ଥଳ ନିକଟରେ ଅବାଧରେ ନିଶା କାରବାର ଚାଲୁଥିଲେ ସୁଦ୍ଧା ସେଥିପ୍ରତି ପୋଲିସ ଆଖିବୁଜି ଦେଇଥିବା ଦିନ ଦ୍ବିପ୍ରହରରେ ଯୋଗୁ ଏଭଳି ଅପରାଧ ଘଟୁଥିବା ସାଧାରଣରେ ଅଭିଯୋଗ ହୋଇଛି। ଏଥିପ୍ରତି ଦୃଷ୍ଟି ଦେଇ ନିଶା କାରବାରରେ ଅଙ୍କୁଶ ଲଗା ନ ଗଲେ ଏଠାରେ ଏଭଳି ଅପରାଧର ପୁନରାବୃତ୍ତି ଆଶଙ୍କା ରହିଛି। ଫଳରେ ବରଗଡ଼ ଏସପି ଏଠାରେ ନିଶା କାରବାର ଦମନ କରିବା ଦିଗରେ ତ୍ୱରିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।

Dharitri - Odisha's No.1 Odia Daily