ସାଧାରଣ ଗାଡ଼ି ଯାତାୟାତରେ ବହୁ ଅସୁବିଧା ପରିଲକ୍ଷିତ ହୋଇଛି। ଏପରିସ୍ଥଳେ ଜାତୀୟ ରାଜପଥ ପ୍ରାଧିକରଣ ସବୁ ଦେଖି କେବଳ ନୀରବଦ୍ରଷ୍ଟା ସାଜିଛି। ରାଜପଥର ଏପରି ଅବସ୍ଥାକୁ ବିରୋଧ କରି ଗତ ୩ ସପ୍ତାହ ପୂର୍ବେ ବୀରମିତ୍ରପୁର ବିଧାୟକଙ୍କ ପକ୍ଷରୁ ରାଜପଥ ଅବରୋଧ କରାଯାଇଥିଲା। ସ୍ଥାନୀୟ ଲୋକେ ମଧ୍ୟ ଏହି ଆନ୍ଦୋଳନକୁ ପୂର୍ଣ୍ଣ ସମର୍ଥନ କରିଥିଲେ। ହେଲେ କର୍ତ୍ତୃପକ୍ଷ ସେତେବେଳେ ସବୁ ଠିକ୍‌ଠାକ୍‌ କରିଦେବୁ ବୋଲି କେବଳ ପ୍ରତିଶ୍ରୁତି ଦେଇଥିଲେ। ଏ ନେଇ ବୀରମିତ୍ରପୁର ପୌରପାଳିକା ଅଧ୍ୟକ୍ଷ ସନ୍ଦୀପ ମିଶ୍ର କୁହନ୍ତି ଯେ, ଗତ ଖରା ଦିନେ ଉକ୍ତ ରାଜପଥ ମରାମତି କରାଯିବା କଥା,ହେଲେ ତାହା ନ କରାଯିବାରୁ ରାଜପଥର ଏପରି ଅବସ୍ଥା ଦେଖାଦେଇଛି। ଏଥିପାଇଁ ରାଜପଥ ପ୍ରାଧିକରଣ ବିଭାଗର ଦୂରଦୃଷ୍ଟି ନ ଥିବା ନେଇ ପୌରପାଳିକା ଅଧ୍ୟକ୍ଷ ମିଶ୍ର ଅଭିଯୋଗ କରିବା ସହ କୁତ୍ରା - ସଲଙ୍ଗାବାହାଲ ରାସ୍ତାକୁ ପ୍ରଥମେ ମରାମତି କରାଯାଇ ସେ ରାସ୍ତାରେ ଭରିଯାନଗୁଡ଼ିକ ଯାତାୟାତ କଲେ ବୀରମିତ୍ରପୁର ରାସ୍ତା ଉପରେ ଏତେ ଲୋଡ୍‌ ପଡ଼ିବ ନାହିଁ ବୋଲି ମିଶ୍ର କହିଛନ୍ତି।

Dharitri - Odisha's No.1 Odia Daily