ଏକ୍ସୋନ ହାଇଓେ ଠାରୁ ପଣ୍ୟ ଖଲାସ କାମ ଚାଲିଥିଲା। ଏହି କାମ ପାଇଁ ହାଇଓ୍ବା ଗାଡି ଲଗାଯାଇଥିଲା ଏବଂ ମୋବାଇଲ ହାରବର କ୍ରେନ୍ ମାଧ୍ୟମରେ ଜାହାଜରୁ ପଣ୍ୟ ବାହାର କରି ଗାଡିରେ ବୋଝେଇ ହେଉଥିଲା।

ଏହି ସମୟରେ ଅଚାନକ କ୍ରେନ୍‌ର ବକେଟ୍ ଧରିଥିବା ରଶୀ ଛିଡ଼ିଯାଇଥିଲା, ଫଳରେ ବକେଟ୍‌ଟି ସିଧାସଳଖ ଭାବେ ହାଇଓ୍ବା ଗାଡିର କ୍ୟାବିନ୍ ଉପରେ ପଡିଥିଲା। ଏହାର ଆଘାତରେ କ୍ୟାବିନ୍ ଭାଗ ଗାଡିରୁ ଅଲଗା ହୋଇ ତଳକୁ ପଡିଯାଇଥିଲା।

ସେହି ସମୟରେ ଗାଡି ଭିତରେ ଥିବା ଚାଳକ ସରୋଜ ଖିଲାର ବକେଟ୍‌ର ତଳେ ଚାପି ଯାଇଥିବାରୁ ଘଟଣାସ୍ଥଳରେ ତାଙ୍କ ମୃତ୍ୟୁ ଘଟିଥିଲା।ଘଟଣା ପରେ ପାରାଦୀପ ଆଦର୍ଶ ଥାନା ପୋଲିସ ଓ ବନ୍ଦର ସୁରକ୍ଷା କର୍ମୀ (ସିଆଇଏସଏଫ) ଘଟଣାସ୍ଥଳକୁ ପହଞ୍ଚି ଉଦ୍ଧାର କାମ କରିଥିଲେ।
ଉକ୍ତ କ୍ରେନ୍‌ଟି ଘରୋଇ ସଂସ୍ଥା ଓଏସଏଲ (OSL)ର ଥିବାବେଳେ, ଷ୍ଟିଭଡୋର କାମ 'ଲିବର୍ଟି ମେରାଇନ୍' ନାମକ ସଂସ୍ଥା ଦ୍ୱାରା କରାଯାଉଥିବା ବୋଲି ଜଣାପଡିଛି।

Dharitri - Odisha's No.1 Odia Daily