ମୁଖ୍ୟ ଅତିଥି ଭାବେ ବ୍ଲକ ଅଧ୍ୟକ୍ଷା ବାସନ୍ତି ମାଝି ଯୋଗ ଦେଇଥିବା ବେଳେ, ସମ୍ମାନିତ ଅତିଥି ଭାବେ ନବୀନ ପାତ୍ର (ଜିଲ୍ଲା ପରିଷଦ ସଭ୍ୟ), ସନ୍ତୋଷ କୁମାର ସାହୁ (ବ୍ଲକ ଉପାଧ୍ୟକ୍ଷ), ପୂର୍ଣ୍ଣ ଚନ୍ଦ୍ର ପାଢ଼ୀ (ବ୍ଲକ ସଂସଦ ପ୍ରତିନିଧି), ନେତ୍ର ମାନସେଠ (ବ୍ଲକ କଳାକାର ସଂଘ ଉପସଭାପତି) ପ୍ରମୁଖ ଉପସ୍ଥିତ ଥିଲେ।

ମୁଖ୍ୟ ଅତିଥି ଶ୍ରୀମତୀ ମାଝି କଳାକାରମାନଙ୍କୁ ଉଦବୋଧନ ଦେଇ କହିଥିଲେ ଯେ, ଆଜିର ଆଧୁନିକତା ଆମର କଳା, ସଂସ୍କୃତି ଓ ପରମ୍ପରାକୁ କ୍ଷତି ପହଞ୍ଚାଉଛି। ତେଣୁ ଏହି କାର୍ଯ୍ୟକ୍ରମ ମାଧ୍ୟମରେ ସମସ୍ତେ ମିଳିମିଶି ଲୋକକଳାକୁ ବଞ୍ଚାଇ ରଖିବାକୁ ସେ ଆହୱାନ ଦେଇଥିଲେ। ବ୍ଲକ କଳାକାର ସଙ୍ଘ ଉପସଭାପତି ଶ୍ରୀ ମାନସେଠ ନିଜ ମତ ରଖି କହିଥିଲେ, 'ଲୋକକଳା ବଞ୍ଚିଲେ ହିଁ ଓଡ଼ିଆ ଅସ୍ମିତା ବଞ୍ଚିବ।' କାର୍ଯ୍ୟକ୍ରମ ଶେଷରେ ଉପସ୍ଥିତ ଲୋକ କଳାକାରମାନଙ୍କୁ ଉତ୍ତରୀୟ ଓ ପ୍ରମାଣପତ୍ର ପ୍ରଦାନ କରାଯାଇ ସମ୍ବର୍ଦ୍ଧିତ କରାଯାଇଥିଲା। ଏହି ଅବସରରେ ବ୍ଲକର ସମସ୍ତ କଳାକାର, ଓଡ଼ିଶା ଜୀବିକା ମିଶନର CRP, CM ଏବଂ ବ୍ଲକର ସମସ୍ତ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରାଇଥିଲେ।

Dharitri - Odisha's No.1 Odia Daily