ଏନ୍‌ଏସି ଅଧ୍ୟକ୍ଷା ପ୍ରତିଭା ପାଢ଼ୀ ମଧ୍ୟ ଏହି ସମୟରେ ଉପସ୍ଥିତ ଥିଲେ।

ଜିଲାର ୩୨ଟି ଏନ୍‌ଏସି ମଧ୍ୟରୁ ଗଞ୍ଜାମ ଏନ୍‌ଏସି ପ୍ରଥମ ସ୍ଥାନ ଅଧିକାର କରିଛି। ନିଜସ୍ୱ ରାଜସ୍ୱ ସଂଗ୍ରହରେ ଉଲ୍ଲେଖନୀୟ ଅଭିବୃଦ୍ଧି ପାଇଁ ଗଞ୍ଜାମ ଏନ୍‌ଏସିକୁ ଶ୍ରେଷ୍ଠ ପ୍ରଦର୍ଶନକାରୀ ସହରାଞ୍ଚଳ ସ୍ଥାନୀୟ ସଂସ୍ଥା ପୁରସ୍କାର ପାଇଁ ମନୋନୀତ କରାଯାଇଥିଲା। ଏହି ସଫଳତାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଖୁସି ପ୍ରକାଶ ପାଇଛି।

ଗୃହ ଓ ନଗର ଉନ୍ନୟନ ବିଭାଗ ପକ୍ଷରୁ ଗତ ୨୪ ଅଗଷ୍ଟରେ ଏନେଇ ଚିଠି ଜାରି ହୋଇଥିଲା। ପୁରସ୍କାର ସହ ଗଞ୍ଜାମ ଏନ୍‌ଏସିକୁ ୨ କୋଟି ଟଙ୍କାର ଅର୍ଥରାଶି ମିଳିଥିବାରୁ ଏନ୍‌ଏସିର ଇଓ ଅପର୍ଣ୍ଣା ଡାଙ୍ଗୁଆ ସହରବାସୀଙ୍କ ସହଯୋଗ ଏବଂ ପରିଷଦର ସମସ୍ତ କର୍ମଚାରୀଙ୍କୁ ଧନ୍ୟବାଦ ଜଣାଇଛନ୍ତି।

ଉଲ୍ଲେଖଯୋଗ୍ୟ, ସ୍ୱଚ୍ଛତା କ୍ଷେତ୍ରରେ ମଧ୍ୟ ଗଞ୍ଜାମ ଏନ୍‌ଏସିର ସଫଳତା ରହିଛି। ପୁରସ୍କୃତ ହେବା ପରେ ଗଞ୍ଜାମ ଏନ୍‌ଏସିର କାର୍ଯ୍ୟନିର୍ବାହୀ ଅଧିକାରୀ ଅପର୍ଣ୍ଣା ଡାଙ୍ଗୁଆ କହିଛନ୍ତି, 'ଏହା ଆମ ସମସ୍ତଙ୍କ ମିଳିତ ପ୍ରୟାସର ଫଳ। ଏହି ସଫଳତା ଆମକୁ ଆଗକୁ ଆହୁରି ଭଲ କାମ କରିବାକୁ ପ୍ରେରଣା ଦେବ।'

Dharitri - Odisha's No.1 Odia Daily